संशोधन विधेयक पास गर्न लेखा समूहको माग

Share this
732shares
मुलुकी खबर
मुलुकी खबर
clock२०८१ भदौ १२, बुधबार १८:२३

विराटनगर । कोशी प्रदेशसभा सचिवालयमा दर्ता भएको प्रदेश निजामती सेवा ऐन संशोधन गर्न बनेको विधेयक पास गर्न लेखा समूहका कर्मचारीले माग गरेका छन् । गत २ साउनमा प्रदेशसभा सचिवालयमा दर्ता भएको संशोधन विधेयक जारी अधिवेशनबाटै पास गर्न माग गरेका हुन् । १४ भदौमा प्रदेशसभा बैठक बस्दैछ ।

लेखा समूह वृति विकास विभेद भएको भन्दै आन्दोलनमा छ । लेखा समूहको माग सम्बोधन गर्ने गरी सरकारले गत साउन २ गते कोशी प्रदेश सभा सचिवालयमा संशोधन विधेयक दर्ता गरेको थियो ।

प्रदेशसभा बैठक नजिकिएपछि लेखा समूहले संशोधन विधेयक पास गर्न माग गरेको हो । लेखा समूहले केही स्वार्थ समूहले संशोधनलाई विफल पार्न प्रयास गरिरहेको भन्दै सार्वजनिक प्रशासनलाई स्वच्छ, सक्षम, निष्पक्ष र पारदर्शी बनाउनका लागि संशोधन विधेयक पास गर्न माग गरेको छ ।

‘ संघीय निजामती सेवा ऐन बमोजिम नियुक्त भएका कर्मचारीहरू सङ्घ मै रहन सक्ने अवस्था हुँदाहुँदै पनि प्रदेशको सेवा सर्त सुविधा तथा भविष्यको अनिश्चित अवस्थामा समेत विभिन्न तहमा समायोजन भइ प्रदेशको सेवामा खटिएको कुरा ध्यानाकर्षण गराउन चाहन्छौ,’ लेखा समूहले भनेको छ,‘प्रदेश निजामती सेवामा कार्यरत कर्मचारीहरूले समान वृत्ति विकासको लागि गरेको माग अनुसार कोशी प्रदेश सभा सचिवालयमा दर्ता भएको प्रदेश निजामती सेवा ऐन संशोधन विधेयक यथाशीघ्र चालु अधिवेशनबाट नै पारित गर्न जोडदार माग गर्दछौँ । कुनैपनि बहानामा ढिलासुस्ती स्वीकार्य हुनेछैन ।’

तपाइको प्रतिक्रिया
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.