उदयपुरमा आमा र नाबालक छोराको हत्या, बीभत्स अवस्थामा भेटियो शव

Share this
734shares
मुलुकी खबर
मुलुकी खबर
clock२०८१ भदौ २०, बिहीबार १२:३१

उदयपुर । उदयपुरको कटारी नगरपालिका–१०, सोरुङ छबीसेमा बीभत्स अवस्थामा आमा र नाबालक छोराको शव फेला परेको छ ।

वडा कार्यालय नजिकै किराना पसल गर्दै आएकी अन्दाजी ४० वर्षीया निर्मला थापा र उनका छोरा अन्दाजी ६ वर्षीय छोरा आरुष थापाको शव विभत्स अवस्थामा फेला परेको हो । आमाको शव भुइँमा घोप्टो परेको ,अवस्थामा फेला परेको थियो । छोराको शव भने खाटमा फेला परेको थियो ।

वडाध्यक्ष क्षेत्रबहादुर खड्काका अनुसार बिहान पसलमा आउने ग्राहकहरुले आमाछोराको शव देखेका थिए । ‘आमाको शव भुइँमा घोप्टो परेको र छोराको खाटमा रगतमा डुबेको अवस्थामा फेला परको हो’, वडाध्यक्ष खड्काले भने, ‘छोराको शवमा हतियार प्रहार गरेको चोटहरु देखिएको जानकारी आएको छ ।’

ईलाका प्रहरी कार्यालय कटारीका प्रहरी निरीक्षक उमेश महतोले घटनाको अनुसन्धान भइरहेको बताए ।

घटनास्थल कटारी बजारबाट ३२ किलोमिटर उत्तरपहाडी भेगमा पर्दछ । वडाध्यक्ष खड्काका अनुसार मृतक निर्मला थापाका श्रीमान अशोक थापा दुईवर्ष अघि कान्छी श्रीमती लिएर भारततिर गएका थिए । दोकानबाट करिब ३ सय मिटर पर मूलघर छ । गएराति भने उनीहरु पसलमै बसेका थिए ।

स्थानीय दीपक राउतले बुधबार साँझ ८ बजेसम्म मूलघरको देवरहरुसँग मृतक निर्मलाको फोनमा कुरा भएको बताए । ‘सानासाना देवरहरु थिए, उनीहरुलाई बिहान आउँछौं भनेका थिए रे’, राउतले भने, ‘बिहान घरमा खसी काट्ने सल्लाह थियो रे, राति नै हत्या भएछ ।’

बिहान घटनाबारे थाहा पाएपछि स्थानीयले प्रहरीलाई खबर गरेका थिए । हत्यामा संलग्नको पहिचान भएको छैन । हत्यामा संलग्नलाई पहिचान र पक्राउका लागि प्रहरी परिचालन गरिएको छ ।

तपाइको प्रतिक्रिया
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.