संविधान दिवसमा नछुट्ने भए कैदी

Share this
667shares
मुलुकी खबर
मुलुकी खबर
clock२०८१ असोज २, बुधबार १६:४८

काठमाडौं । यसवर्षको संविधान दिवसको अवसरमा सजाय छुट पाएर कैदीहरु नछुट्ने भएका छन् ।

गृह मन्त्रालयले आवश्यक गृहकार्य नपुगेको भन्दै निर्णय नगरेपछि सजायमा छुट पाएर कैदीहरु रिहा हुने प्रक्रिया रोकिएको हो । कारागार व्यवस्थापन विभागले कैदीलाई दिइने छुटसहितको विवरण मन्त्रालयमा पठाएको थियो ।

गृह मन्त्रालयले निर्णय गरिदिएको भए बिहीबार कैदीहरु सजाय छुट पाएर छुट्ने थिए । विभागका सूचना अधिकारी रामबहादुर सार्की संविधान दिवसका अवसरमा कैदी छुट्ने सम्भावना नरहेको बताउँछन् ।

विभागले कैद छुटका लागि यसअघि २ पटकसम्म मन्त्रालयमा सिफारिस गरेको थियो । गत असार ९ गते ६ सय २० जनाको कैद कट्टा गर्ने भन्दै सर्वजनिक सूचना जारी गरिएको थियो । भदौ १७ गतेसमेत ४ सय २० जनाको कैद छुट हुने सूचना जारी गरिएको थियो ।

दुवै सूचनाका आधारमा सजाय छुट दिएर असोज ३ गते (संविधान दिवस)का दिन कैदीहरुलाई रिहा गर्ने तयारी थियो । आवश्यक गृहकार्य नपुगेको भन्दै गृह मन्त्रालयले निर्णय गरेन ।

गत जेठ १५ गतेको गणतन्त्र दिवसका अवसरमा पनि सजाय छुट पाएर कैदीहरु रिहा हुन पाएनन् । सर्वोच्च अदालतको २०८० कात्तिक १६ गतेको फैसलापछि कैद छुट गर्नलाई कैदीविरुद्ध उजुरी आह्वान गर्ने र पीडितको सहमति लिनुपर्ने हुन्छ ।

त्यसअघि उजुरुी आह्वान गर्ने र पीडितको सहमति लिने प्रक्रिया थिएन । व्यक्ति हत्यामा सजाय छुट पाएर रिहा भएका बाँकेका योगराज ढकाल (रिगल) विरुद्धको मुद्दाको सुनुवाइ गर्दै न्यायाधीशहरु ईश्वरप्रसाद खतिवडा, सपना प्रधान मल्ल र डा. कुमार चुडालको पूर्ण इजलासले पीडितको हक सुरक्षित हुने गरी, सहमति तथा मञ्जुरीसमेत लिएर पीडितलाई सामाजिक पुनस्र्थापना र क्षतिपूर्तिसहितको न्याय प्राप्त भएको अवस्था सुनिश्चित गरेर मात्र कैदी रिहा गर्नुपर्ने फैसला गरेको थियो ।

उक्त फैसलापछि सजायमा छुट पाउने कैदीविरुद्ध उजुरी आह्वान गर्नुपर्ने र पीडितको सहमति लिनुपर्ने अवस्था बनेको हो ।

तपाइको प्रतिक्रिया
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.