
विराटनगर । निरन्तरको वर्षासँगै हवाई सेवा प्रभावित भएको छ । केहीबाहेक अधिकांश विमानस्थलमा उडान हुन सकिरहेको छैन ।
लगातारको वर्षाका कारण मौसम खराब भएपछि अधिकांश विमानस्थलमा सेवा ठप्प भएको छ । मौसममा सुधार नभएसम्म सेवा सुचारु हुने सम्भावना नरहेको नेपाल नागरिक उड्डय प्राधिकरणले जनाएको छ ।
मौसम खराब हुँदा भिजिविलिटी कम भएकोले जहाजहरु उड्न सकेका छैनन् । त्रिभुवन विमानस्थलबाट धनगढी, नेपालगञ्ज, भैरहवा, सिमरा र जनकपुरबाहेकका विमानस्थलमा उडान ठप्प छन् । माउण्टेन फ्लाइटहरु पनि रद्द गरिएका छन् ।

























