फाइल फाेटाेविराटनगर । अविरल वर्षासँगै आएको पहिरोले पुरिएर धनुकटामा दुई जनाको मृत्यु भएको छ ।
प्रहरीका अनुसार पाख्रीबास नगरपालिका– ५ आज बिहान खसेको पहिरोले घर पुरिदा स्थानीय ३२ वर्षीया आशा तामाङ र ५० वर्षीया रामकुमारी तामाङको मृत्यु भएको हो । उनीहरु मृतक आमा छोरी हुन् ।
पाँचथरको फिदिममा घरमाथिबाट खसेको पहिरोले नाबालिका छोरी र आमाको मृत्यु भएको छ । पहिरोले घर पनि पुरिएको छ ।
फिदिम नगरपालिका–४ चिसापानीमा पहिरोले २४ वर्षीया सपना शेर्पा र उनकी ५ वर्षीया छोरी डोल्मा शेर्पाको मृत्यु भएको प्रहरीले जनाएको छ । प्रहरीका अनुसार फिदिम–१२ घर भएका आमा–छोरी चिसापानीमा डेरा बस्दै आएका थिए ।

























