ज्यान मुद्दाका फरार प्रतिवादी २१ वर्ष पछि पक्राउ

Share this
650shares
मुलुकी खबर
मुलुकी खबर
clock२०८२ साउन ५, सोमबार १६:५७

विराटनगर । संखुवासभाबाट ज्यान मुद्दाका प्रतिवादी २१ वर्षपछि पक्राउ परेका छन् । भोजपुरको जरायोटार– ४ का ३६ वर्षीय पर्शुराम बिकको हत्यामा संलग्न संखुवासभाको चैनपुर नगरपालिका– ९ का शम्सेरबहादुर तामाङ २१ वर्षपछि पक्राउ परेका हुन् ।

उनलाई पुनरावेदन अदालत धनकुटाले मिति २०६९ असार १७ गते २ वर्ष कैद सजाय सुनाएको थियो । बिककाे २०६१ साल चैत २२ गते हत्या भएकाे थियाे ।

घटनापछि फरार रहेका तामाङ घर फर्किएको सूचनापछि इलाका प्रहरी कार्यालय चैनपुर संखुवासभाबाट खटिएको प्रहरी टोलीले पक्राउ गरेको हो ।

तामाङलाई जिल्ला कारागार खाँदबारी चलान गरिएको जिल्ला प्रहरी कार्यालय संखुवासभाका सूचना समन्वय अधिकृत प्रहरी निरीक्षक रामकुमार लामिछानेले बताए ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.