३० हजार धरौटीमा छुट्ने आदेश पाएका चक्रे मिलन भक्तपुरको अर्को मुद्दाका कारण तत्काल रिहा नहुने

Share this
753shares
मुलुकी खबर
मुलुकी खबर
clock२०८२ साउन २८, बुधबार १८:३४

काठमाडौं । अभद्र व्यवहारको कसुरमा धरौटीमा रिहा हुने आदेश पाए पनि ‘गुण्डा नाइके’ भनेर चिनिने मिलन गुरुङ उर्फ चक्रे मिलन तत्काल हिरासतमुक्त हुने सम्भावना टरेको छ ।

काठमाडौं जिल्ला अदालतका न्यायाधीश खिमानन्द भुसालको बुधबारको इजलासले चक्रेलाई ३० हजार रुपैयाँ धरौटीमा रिहा गर्ने आदेश दिएको हो । अदालतको आदेशपछि तोकिएको धरौटी बुझाउने प्रक्रिया सुरु भए पनि उनलाई तत्काल छुटाउन नपाइने भएको हो ।

जिल्ला प्रहरी परिसर काठमाडौंका प्रवक्ता एसपी कुलदीप चन्दका अनुसार चक्रेविरुद्ध भक्तपुरमा ज्यान मार्ने उद्योगको मुद्दा रहेको हुँदा उनलाई त्यहाँ पठाइने छ । उता जिल्ला प्रहरी परिसर भक्तपुरका प्रवक्ता डीएसपी ढुण्डिराज न्यौपानेले पनि काठमाडौंबाट रिहा हुनेबित्तिकै चक्रेलाई भक्तपुर ल्याइने पुष्टि गरे ।

यसपटक धरौटी मागिएका अन्य प्रतिवादीहरुले रकम बुझाएर बुधबार नै छुटे पनि चक्रे भने अर्को मुद्दाका कारण थुनामै रहनुपर्ने भएको छ । भक्तपुरमा दर्ता भएको मुद्दा २०८१ भदौ १० मा सानोठिमीस्थित दिव्यश्जरीमा रहेको बड्डाको तावा रेष्टुरेन्टमा भएको आक्रमणसँग सम्बन्धित छ ।

पीडित दिनेशकुमार रायमाझीले दिएको जाहेरीअनुसार उनका भतिजो मनिष रायमाझीमाथि सर्लाहीको हरिवन नगरपालिका–४ का २५ वर्षीय अजित खवाससहितको समूहले खुकुरी प्रहार गरेको थियो । जाहेरीमा चक्रेको नामसमेत उल्लेख भए पनि त्यतिबेला उनको ठेगाना नखुलेको भन्दै प्रतिवादी सूचीमा समावेश गरिएको थिएन ।

सो आक्रमणमा रायमाझीको दुवै कोखमा गम्भीर चोट लागेको थियो । अब चक्रेमाथि सोही घटनामा ज्यान मार्ने उद्योगको कसुरमा अनुसन्धान गरिने भएकाले उनलाई भक्तपुर लैजान लागिएको हो ।

चक्रे मिलन यसअघि १५ साउनमा उपत्यका अपराध अनुसन्धान कार्यालय र काठमाडौं प्रहरी परिसरको संयुक्त अपरेसनमा पक्राउ परेका थिए । मध्यराति महाराजगञ्जस्थित होटल साम्बालामा आफ्नो जन्मदिनको पार्टी मनाउने क्रममा ठूलो होहल्ला भएको सूचनाका आधारमा प्रहरीले छापा मार्दा चक्रेसहित ४७ जनालाई नियन्त्रणमा लिएको थियो ।

त्यसमध्ये २८ जनालाई पछि रिहा गरिएको थियो । अरुलाई प्रतिवादी बनाएर मुद्दा चलाइयो ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.