गोली प्रहार गरी सर्लाहीमा १ जनाको हत्या, गोली प्रहार गर्नेहरू परे दुर्घटनामा

Share this
692shares
मुलुकी खबर
मुलुकी खबर
clock२०८२ साउन ३१, शनिबार ०९:१२

सर्लाही । सर्लाहीमा गोली प्रहार गरी १ जनाको हत्या भएको छ ।

जिल्लाको हरिपूर्वा नगरपालिका–६ मा शुक्रबार राति गोली प्रहार गरी ४० वर्षीय रामपुकार यादवको हत्या भएको हो । गोली प्रहार गर्नेहरूको परिचय खुलेको छैन ।

शुक्रबार राति करिब ८ बजेतिर घरमा छरछिमेकीसँग कुराकानी गरेर बसिरहेका बेला मोटरसाइकलमा आएका २ जना व्यक्तिले रामपुकारलाई गोली प्रहार गरी फरार भएका थिए ।

टाउकोमा गोली प्रहार हुँदा गम्भीर घाइते भएका रामपुकारलाई उपचारका लागि महोत्तरीको पर्सास्थित एक स्वास्थ्य संस्थामा पु¥याउँदा चिकित्सकले मृत घोषणा गरेको प्रहरीले जनाएको छ ।

मृतक रामपुकारको शव शनिबार बिहानसम्म सोही अस्पतालमा छ ।

हरिपूर्वा नगरपालिका–६ का वडाध्यक्ष रामसोगारथ राय यादवका अनुसार गोली हानेर हत्या गरिएका रामपुकार गाउँघरमा खेती किसान गर्ने र समस्यामा परेका व्यक्तिलाई ऋण लगानी गर्थे । उनले केही समय सदरमुकाम मलंगवाको एक निजी विद्यालयमा अध्यापन पनि गराएका थिए ।

जिल्ला प्रहरी कार्यालयका डिएसपी राईका अनुसार रामपुकारलाई गोली प्रहार गरेर फरार भएका व्यक्ति सवार मोटरसाइकल गएराति नै हरिपूर्वा नगरपालिका–७ मा दुर्घटनामा परेको छ । दुर्घटनामा एक जना गम्भीर घाइते भएका र उनलाई लालबन्दीमा उपचार गरी थप उपचारका लागि जनकपुर लगिएको डिएसपी राईले बताए ।

प्रहरीले ति व्यक्तिको परिचय भने गोप्य राखेको छ । घाइते व्यक्ति बोल्न सक्ने अवस्थामा छैनन् । गोली प्रहार गर्नेमध्येका अर्का व्यक्ति भने फरार रहेका प्रहरीले बताएको छ ।

प्रहरीले गोली प्रहार गर्ने व्यक्तिहरु सवार दुर्घटनामा परेको मोटरसाइकल बरामद गरेको छ । घटनाको सम्बन्धमा थप अनुसन्धान भइरहेको डिएसपी राईले बताए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.