वैदेशिक रोजगारीको नाममा लाखौँ ठगी गर्ने ४ जना पक्राउ

Share this
707shares
मुलुकी खबर
मुलुकी खबर
clock२०८२ भदौ २०, शुक्रबार १४:५३
एनपीएलमा सट्टेबाजी गराएको आरोपमा भारतीय युवक पक्राउ

काठमाडौं । आकर्षक तलबसहित वैदेशिक रोजगारीमा पठाइदिने भन्दै रकम ठगी गर्ने गिरोहका ४ जनालाई प्रहरीले पक्राउ गरेको छ ।

काठमाडौं उपत्यका अपराध अनुसन्धान कार्यालयको टोलीले पक्राउ गर्नेहरूमा काठमाडौं महानगरपालिका–२६ बस्ने पर्सा बिन्दवासिनी गाउँपालिका–५ घर भएका ३७ वर्षीय तुफायल मिया जोलाहा, काठमाडौं कीर्तिपुर नगरपालिका–५ का ५३ वर्षीय सहनशील महर्जन, ललितपुर बस्ने रौतहट परोहा नगरपालिका–१ घर भएका २० वर्षीय विक्रम साह र बाँके कोहलपुर नगरपालिका–१२ घर भएकी २७ वर्षीया हरिकला खाँण ठकुरी (थापा) रहेका छन् ।

उनीहरूले विभिन्न मुलुकमा रोजगारी दिलाइदिन्छु भन्दै पीडितबाट लाखौँ रुपैयाँ असुलेको प्रहरीको आरोप छ । पक्राउ परेका मध्ये तुफायलले माल्दिभ्स पठाइदिन्छु भन्दै १ जना पीडितबाट २ लाख ३० हजार, सहनशीलले पोल्यान्ड पठाइदिन्छु भन्दै १ जनाबाट ६ लाख २५ हजार लिएका थिए ।

त्यस्तै, विक्रमले युएई पठाइदिन्छु भन्दै १ जनाबाट २ लाख १० हजार र हरिकलाले युएई पठाइदिन्छु भन्दै १ जनाबाट २ लाख २३ हजार रुपैयाँ लिएर सम्पर्कविहीन भएका थिए ।

पीडितहरूको उजुरीका आधारमा खटिएको प्रहरीले तुफायललाई काठमाडौं महानगरपालिका–२६ बाट बुधबार, सहनशीललाई कीर्तिपुरबाट, विक्रमलाई काठमाडौं महानगरपालिका–३२ बाट र हरिकलालाई काठमाडौं महानगरपालिका–१२ बाट बिहीबार पक्राउ गरिएको हो ।

पक्राउ परेकाहरूलाई आवश्यक अनुसन्धान तथा कारबाहीका लागि वैदेशिक रोजगार विभागमा पठाइएको प्रहरीले जनाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.