रवि लामिछानेका कारण देशभरका कारागारमा आतंक, भाग्दैछन् अपराधी

Share this
659shares
मुलुकी खबर
मुलुकी खबर
clock२०८२ भदौ २५, बुधबार १७:५४

काठमाडौं । सहकारीको रकम अपचलन मुद्दाका अभियुक्त रवि लामिछानेलाई कारागारबाट मुक्त गराउँदा देशभरका कारागार अशान्त बनेका छन् । कारागारहरूबाट कैदीबन्दीहरु धमाधम भागिरहेका छन् ।

पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापतिसमेत रहेका रविलाई कारागारबाट निकालिएपछि नख्खुसहित देशभरका कारागारमा रहेका अपराधीहरु तोडफोड तथा आगजनी गर्दै भागिरहेका हुन् । देशभरका कारागारहरूबाट सयौं कैदीबन्दी भागिसकेका छन् ।

विभिन्न कारागारमा कुख्यात अपराधी पनि थिए । अन्य कैदीबन्दीसँगै उनीहरुले पनि भाग्ने मौका पाएका छन् । नख्खु कारागारमा भाग्न नहुने पक्षका कैदीबन्दी पनि छन् ।

नख्खु कारागारका कतिपय कैदीबन्दीले सजाय भुक्तान नगरिकन नभाग्ने अडान लिएका थिए । कारागारमा बैंकिङ ठगीका बन्दीहरू कमल ज्ञवाली, इच्छाराज तामाङ, सहकारी ठगीका केबी उप्रेती, यामबहादुर मल्ल, गुण्डा नाइके दीपक मनाङे, पृथ्वी मल्ललगायत छन् ।

सुन्धारा कारागारबाट ३ हजार ३ सयजति कैदीबन्दी भोगेका छन् । उनीहरुसँगै भुटानी शरणार्थी प्रकरणमा थुनामा रहेका पूर्वमन्त्री टोपबहादुर रायमाझी पनि भागेका छन् । सुनसरीको झुम्का कारागारबाट १ हजार ४ सय बढी कैदीबन्दी भागेका छन् ।

धादिङ कारागारबाट पनि कैदीबन्दीहरू भाग्न थालेपछि सेनाले गोली चलाएको थियो । सेनाको गोली लागेर १ जनाको मृत्यु भएको छ । कपिलवस्तु कारागारबाट ४ सय कैदीबन्दी भागेका छन् भने सिन्धुलीबाट पनि सयभन्दा बढी कैदीबन्दी बाहिर निस्किएका छन् ।

विराटनगरको बाल सुधार गृहबाट पनि बाल बिज्याइँकर्ता भागेका छन् । २ सयभन्दा बढी भागेका थिए । सुरक्षा निकाय र स्थानीयले १ सय ५० जनालाई नियन्त्रणमा लिइसकेका छन् ।

मोरङ कारागारबाट पनि कैदी भगाउन खोजिएपछि प्रहरीले हवाइ फायर गरेको थियो । जलेश्वर कारागारबाट ५ सय बढी कैदीबन्दी भागेका छन् । बझाङबाट ६५ कैदीबन्दी भागेका छन् भने कपिलवस्तुबाट ४ सय बढी भागेका छन् ।

नेपालगन्जको नौवस्तास्थित बाल सुधारगृहमा झडप हुँदा ५ जनाको मृत्यु भएको छ । अन्य ७ जना घाइते भएका छन् । देशभरबाट कति कैदी फरार भएभन्ने यकिन तथ्यांक छैन ।

तर, अदालतको आदेशबाट थुनामा रहेका रवि लामिछानेलाई बाहिर निकालिएपछि कारागारमा आतंक फैलिएको सुरक्षा निकायको भनाइ छ । मुलुकभरका कारागार नेपाली सेना, नेपाल र सशस्त्र प्रहरीको निगरानी एवं नियन्त्रणमा रहेका छन् ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.