देउवाको गर्धनमा गम्भीर चोट

Share this
683shares
मुलुकी खबर
मुलुकी खबर
clock२०८२ असोज ३, शुक्रबार १५:४४

काठमाडौं । पूर्वप्रधानमन्त्री एवं नेपाली कांग्रेसका सभापति शेरबहादुर देउवाको स्वास्थ्य अवस्था पछिल्लो समय चर्चाको विषय बनेको छ । उनको गर्धनमा गम्भीर चोट लागेको छ ।

उपचारका क्रमा १२ वटा टाँका लगाइएको छ । कांग्रेस उपसभापति पूर्णबहादुर खड्काले शुक्रबार बसेको केन्द्रीय कार्यसम्पादन समिति बैठकमा देउवाको स्वास्थ्य अवस्थाबारे विस्तृत जानकारी दिएका थिए । बैठकमा खड्काले जेनजी आन्दोलनका नाममा अराजक समूहले आक्रमण गर्दा देउवालाई चोट लागेको र हाल उनी उपचाररत रहेको बताएका थिए ।

बैठकपछि कांग्रेसका प्रचार विभाग प्रमुख मीन विश्वकर्माले देउवा अहिले पनि सैनिक अस्पताल छाउनीमै उपचाररत रहेको बताए । चिकित्सकको सल्लाहअनुसार अझै केही दिन अस्पतालमै राखिने उनको भनाइ छ ।

विश्वकर्माका अनुसार देउवाको स्वास्थ्य अवस्था सामान्य रहेको भए पनि चिकित्सकहरूले थप निगरानी आवश्यक रहेको बताएका छन् । गत भदौ २४ गते ‘जेनजी आन्दोलन’ का क्रममा बुढानीलकण्ठस्थित निवासमै देउवा दम्पत्तिलाई आन्दोलनकारीले घरबाहिर निकालेर कुटपिट गरेका थिए ।

त्यही घटनामा देउवालाई गम्भीर चोट लागेर टाँका लगाउनुपरेको हो । अराजक समूहले सोही दिन देउवाको घरसमेत जलाएको थियो । पत्नी आरजु राणा देउवामाथि पनि आक्रमण भयो । नेताहरूले आक्रमणकारीलाई कानुनी दायरामा ल्याउन माग गरेका छन् ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.