आगजनी र तोडफोडमा पत्रकार एवं संगीतकारको संलग्नता

Share this
715shares
मुलुकी खबर
मुलुकी खबर
clock२०८२ असोज ६, सोमबार १६:३२

विराटनगर । जेनजी आन्दोलनको आवरणमा भदौ २४ गते धरानमा भएको आगजनी एवं तोडफोडमा पत्रकार र संगीतकारसम्मको संलग्नता रहेको पाइएको छ ।

आगजनी र तोडफोड घटनामा संलग्न १ सय ५० जनाभन्दा बढी व्यक्तिको नामसहित उजुरी प्रहरीमा उजुरी परेको छ । इलाका प्रहरी कार्यालय धरानमा राजनीतिक दल र पीडितहरूले छुट्टाछुट्टै उजुरी दिएका हुन् ।

एमाले, कांग्रेस र माओवादीका पार्टी कार्यालयसहित निजी घरमा गरिएको तोडफोड र आगजनीप्रति असन्तुष्टि जनाउँदै दलहरूले दोषीलाई तत्काल पक्राउ गरी कारबाही गर्न माग गरेका छन् । उजुरी दिनेहरूमध्ये पूर्वमेयर मनोज मेन्याङ्बो, पूर्वउपमेयर मञ्जु भण्डारी, पूर्वसांसद जयकुमार राई, कांग्रेस नेताहरू उमेश थापा, सुजेन्द्र तामाङ र कार्यपालिका सदस्य सिर्जना नेपाल रहेका छन् ।

आन्दोलनको नाममा भएको हिंसात्मक गतिविधिमा संलग्न व्यक्तिहरूमध्ये पत्रकार विमल शाक्य, संगीतकार हेम सुब्बा, मिलन बान्तवा राई, दीपचन्द्र राई (कान्छी) लगायतको पहिचान भइसकेको प्रहरीले जनाएको छ । माओवादी केन्द्र धरानका अध्यक्ष उद्दव लिम्बूले मात्रै ४० जनाको नामसहित उजुरी दिएको बताए ।

धरानका एमाले अध्यक्ष हर्कजङ एभेङले पार्टी कार्यालयमा भएको तोडफोड र आगजनीमा संलग्नलाई तुरुन्त पक्राउ गरी कानुनी दायरामा ल्याउन माग गरेका छन् । त्यस्तै, पूर्वमेयर मेन्याङ्बोले आफ्नै घरमा आक्रमण गर्ने व्यक्तिहरू अहिलेसम्म पक्राउ नभएको भन्दै प्रहरीप्रति असन्तोष प्रकट गरेका छन् ।

स्थानीय र राजनीतिक दलहरूले अराजकता फैलाउने र हिंसामा सहभागी हुनेलाई कडाभन्दा कडा सजाय दिन सरकार एवं सुरक्षा निकायसमक्ष आग्रह गरेका छन् । इलाका प्रहरी कार्यालय धरानका डीएसपी प्रकाश जबेगूले पहिचान भएका व्यक्तिहरूलाई पक्राउ गर्न व्यापक प्रहरी परिचालन गरिएको जानकारी दिए ।

उनका अनुसार केही व्यक्तिहरूलाई नियन्त्रणमा लिएर अनुसन्धान अगाडि बढाइएको छ । तोडफोडमा संलग्न भएर भागिरहेका बाँकीलाई समेत चाँडै कानुनी दायरामा ल्याइने प्रतिबद्धता जबेगूले जनाए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.