जेनजी लक्षित अध्यादेशपछि मतदाता नामावली संकलन सुरु

Share this
736shares
मुलुकी खबर
मुलुकी खबर
clock२०८२ असोज ९, बिहीबार १८:५४

काठमाडौं । प्रतिनिधिसभा निर्वाचनको मिति घोषणा भइसकेको परिप्रेक्ष्यमा निर्वाचन आयोगले बुधबारदेखि मतदाता नामावली संकलनको काम औपचारिक रूपमा सुरु गरेको छ ।

सरकारले जेनजी आन्दोलनपछिको नयाँ राजनीतिक परिस्थितिलाई ध्यानमा राखेर अध्यादेशमार्फत कानुनी अवरोध हटाइएपछि दर्ता प्रक्रिया सुरु भएको हो । आगामी फागुन २१ गतेका लागि तोकिएको प्रतिनिधिसभा निर्वाचनलाई लक्षित गर्दै सुरु गरिएको यस प्रक्रियामा १६ वर्ष उमेर पूरा भइसकेका र नेपाली नागरिकताको प्रमाणपत्र प्राप्त गरेका नागरिकले नाम दर्ता गराउन सक्ने आयोगले जनाएको छ ।

मतदाता नामावली दर्ता तथा अद्यावधिक कार्य देशभरका प्रदेश निर्वाचन कार्यालय र जिल्ला निर्वाचन कार्यालयहरूमा गर्न सकिनेछ । यसका लागि सार्वजनिक बिदाबाहेक प्रत्येक दिन बिहान ८ बजेदेखि बेलुकी ६ बजेसम्म समय तोकिएको छ ।

आयोगका अनुसार विवाह भई अन्यत्र गएका वा बसाइँ सरेका मतदाताले आफ्नो नाम स्थानान्तरण गर्न सक्ने, नाम वा विवरणमा त्रुटि भए सच्याउन सक्ने र नयाँ मतदाता दर्ता गर्न सक्ने व्यवस्था गरिएको छ । राजनीतिक परिवर्तनमा सक्रिय भूमिका खेलेका जेनजी पुस्ताका धेरै युवाहरूले कानुनी बाध्यताका कारण अहिलेसम्म मतदाता नामावलीमा नाम दर्ता गर्न नपाएको भन्दै आलोचना हुँदै आएको थियो ।

यही कारण सरकारले बुधबार अध्यादेश जारी गरी उनीहरूको नाम दर्ताको बाटो खुला गरेको हो । निर्वाचन आयोगले अब कात्तिक ३० गतेसम्म निरन्तर दर्ता अभियान सञ्चालन गर्ने जनाएको छ ।

निर्वाचनको मिति घोषणा भएसँगै मतदाता नामावली संकलन कार्य स्वतः स्थगित हुन्थ्यो । तर, अध्यादेश ल्याएर मतदाता नामावली संकलनको काम सुरु गरिएको हो । यसअघि दर्ता गरेका सबै मतदाताले आगामी निर्वाचनमा मतदान गर्न पाउने छन् ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.