जेनजी आन्दोलनमा लुटिएका ८ सयभन्दा बढी हतियार फिर्ता भएनन्

Share this
674shares
मुलुकी खबर
मुलुकी खबर
clock२०८२ असोज २३, बिहीबार १३:३०

काठमाडौं । जेनजी आन्दोलनका क्रममा हराएका प्रहरीका ८ सयभन्दा बढी हतियार अझैसम्म फिर्ता भएका छैनन् । आन्दोलन उग्र बन्दै जाँदा प्रदर्शनकारीले प्रहरीका हतियार लुटेका थिए ।

प्रहरीबाट लुटिएको १ महिना भइसक्दा पनि हतियार फिर्ता नभएको हो । ८ सयभन्दा बढी हतियार हालसम्म फेला नपरेको प्रहरीले जनाएको छ । भदौ २३ र २४ गते देशभर फैलिएको आन्दोलनका क्रममा प्रहरीले प्रयोग गर्ने साना–ठूला गरी १ हजार १ सयभन्दा बढी हतियार आन्दोलनकारीले लुटेका थिए ।

लुटिएकामध्ये करिब ३ सयवटा मात्र फिर्ता भएका छन् । केही हतियार सुरक्षाकर्मीहरूले बरामद गरेका थिए । प्रदर्शनका क्रममा धेरैवटा प्रहरी कार्यालयमा आगजनी र तोडफोड गरिएको थियो ।

प्रहरी र कार्यालयमा आक्रमण गर्दै प्रदर्शनकारीहरूले रायफल, पेस्तोल, रबर बुलेट बन्दुकदेखि केही स्थानमा ग्यास गनसमेत कब्जामा लिएका थिए । प्रहरी प्रधान कार्यालयका अनुसार अझै पनि ८ सयभन्दा बढी हतियारको कुनै अत्तोपत्तो छैन ।

प्रहरीका केन्द्रीय प्रवक्ता डीआईजी विनोद घिमिरेका अनुसार हराइरहेका हतियार पत्ता लगाउन विशेष समिति गठन गरेर अनुसन्धानलाई तीव्र पारिएको छ । ‘कतिपय हतियार बरामद भएका छन् । केही फिर्ता पनि आएका छन् । तर, ठूलो संख्यामा अझै फेला परेका छैनन् । खोजी कार्य जारी छ,’ उनले भने ।

हतियार हराउनु अहिले सुरक्षा निकायका लागि ठूलो चुनौती बनेको छ । राजधानीदेखि सुदूरपश्चिमका विभिन्न जिल्लासम्मका प्रहरी कार्यालयहरूबाट लुटिएका हतियार अहिलेसम्म फिर्ता नआउँदा सुरक्षाकर्मीहरू हतियारविहीन भएर जिम्मेवारी सम्हाल्न बाध्य भएका छन् ।

प्रहरीका अनुसार तत्कालका लागि नयाँ हतियार वितरण गर्ने प्रक्रिया सुरु गरिएको भए पनि यो दीर्घकालीन समाधान होइन । जेनजी आन्दोलनका क्रममा प्रहरीमाथि आक्रमणका दृश्यहरू विभिन्न सामाजिक सञ्जालमा भाइरल भएका थिए ।

आन्दोलनकारीहरूले प्रहरीलाई आत्मसमर्पण गर्न बाध्य बनाउने, बर्दी खोल्न लगाउने र हतियार लुट्नेजस्ता घटना भएका थिए । केही ठाउँमा आक्रमण गरेर प्रहरी कार्यालय नै आन्दोलनकारीहरूले आफ्नो नियन्त्रणमा राखेका थिए ।

प्रहरीका अनुसार प्रदर्शनका क्रममा राजधानीमा मात्र ३ सुरक्षाकर्मीले ज्यान गुमाए । तीमध्ये २ जना महाराजगञ्ज वृत्तमा र १ जना कोटेश्वर प्रभागमा कार्यरत थिए । अन्य थुप्रै घाइते भएका थिए । कतिपयले आत्मसमर्पण गरेर वा भागेर ज्यान जोगाएका थिए ।

लुटिएका हतियारमध्ये केही नेपाली सेनाले समेत बरामद गरेको थियो । अरु हतियार पत्ता लगाउन सेनाले प्रहरीसँग सहकार्य गर्दै विभिन्न स्थानमा खोजतलास गरिरहेको छ । प्रहरीले केही व्यक्तिलाई पेस्तोल र गोलीसहित पक्राउ गरी अनुसन्धान अघि बढाएको छ ।

तर, हराएका हतियारका कारण सुरक्षामा नयाँ जोखिम निम्त्याएको प्रहरी अधिकारीहरू स्वीकार्छन् । ती हतियार कहाँ र कसको हातमा पुगेका हुन् भन्ने अनिश्चितताले आगामी दिनमा आपराधिक गतिविधि बढ्ने चिन्ता थपिएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.