
विराटनगर । सुनसरीको रामधुनी नगरपालिका–२ तनमुनामा सीटी सफारी चालकको गोली हानेर हत्या गरिएको छ । स्थानीय ४७ वर्षीय दिनेशकुमार चौधरीको हत्या भएको प्रहरीले जनाएको छ।
मोटरसाइकलमा आएका तीन जनाको समूहले गोली प्रहार गरी फरार भएका हुन् । जिल्ला प्रहरी कार्यालय सुनसरीका प्रवक्ता डीएसपी याेगराज खतिवडाले गाेली हानिएको हाे वा अन्य हतियार प्रयाेग गरिएको भन्ने पाेष्टमार्टम पछि मात्रै खुल्ने बताए ।
प्रारम्भिक अनुसन्धानपछि चौधरीको शव कानुनी प्रक्रिया पूरा गरी धरानस्थित बीपी कोइराला स्वास्थ्य विज्ञान प्रतिष्ठानमा पठाइएको छ । माेटरसाइकलमा आएका तीन जनाको समूहले गाेली हानेकाे प्रहरी स्राेतकाे दाबी छ ।
घटनाका कारणबारे प्रहरीले विभिन्न कोणबाट अनुसन्धान थालेको छ।

























