जेनजी आन्दोलनमा दमकबाट लुटिएको राइफल भेटियो, २३ वटा हतियार अझै गायब

Share this
795shares
मुलुकी खबर
मुलुकी खबर
clock२०८२ असोज २६, आइतबार ११:४५

झापा । जेनजी आन्दोलनको आवरणमा अराजक समूहले झापाको दमकबाट लुटेको एउटा राइफल आइतबार बिहान फेला परेको छ ।

इलाका प्रहरी कार्यालय दमकबाट लुटिएको ३०३ मार्क ३ राइफल म्यागजिनसहित भेटिएको झापा प्रहरीका प्रवक्ता डीएसपी खगेन्द्रबहादुर खड्काले बताए । उनका अनुसार दमक नगरपालिका–५ स्थित धनेश्वर मन्दिरनजिक आज बिहान बेवारिसे अवस्थामा बन्दुक देखेपछि स्थानीयले प्रहरीलाई खबर गरेका थिए ।

उक्त राइफल जेनजीको हिंसात्मक आन्दोलनका क्रममा भदौ २४ गते प्रहरीले गुमाएको थियो । बिहान करिब ७ः३० बजे मन्दिरको पूर्वपट्टीको गेटनजिक बेवारिसे अवस्थामा बन्दुक भेटिएको हो । घटनास्थलमा इन्स्पेक्टर नवीन राई नेतृत्वको टोली पुगेको थियो ।

प्रहरीले हतियार ल्याएर कार्यालयमा राखेको छ । उक्त राइफल लुट्नेको पहिचान भइसकेको छैन । आन्दोलनका क्रममा झापाको बिर्तामोड र दमकमा प्रहरीमाथि आक्रमण भएको थियो । कार्यालयमा आगजनी र तोडफोड गर्दै प्रहरीमाथि आक्रमण गरेर हतियार लुटिएको हो ।

झापामा प्रहरीबाट लुटिएकामध्ये साना तथा ठूला गरेर २३ थान हतियार अझै गायब छन् । प्रहरीले अनुसन्धान अघि बढाएर खोजी तीव्र पारे पनि फेला परेका छैनन् । प्रहरी स्रोतका अनुसार २३ थान हतियार, १ सय ८० सेल अश्रुग्यास र ५ हजार ६ सय ९० राउण्ड गोली भेटिएका छैनन् ।

दमकबाट लुटिएकामध्ये ५५ राउण्ड गोली कमल गाउँपालिका–७ रंगपुरस्थित केराबारीबाट शनिबार बरामद गरिएको थियो । केराको पात काट्ने क्रममा ५५ वर्षीय गंगाप्रसाद पाण्डेले गोली देखेपछि प्रहरीलाई खबर गरेका थिए ।

उक्त गोली सएलआरको रहेको प्रहरीले जनाएको छ । आन्दोलनका नाममा अराजक समूहले दमकबाट लुटेकामध्ये लामो हतियार (एसएलआर)लगायत १३ थान र त्यसको गोली ४ हजारभन्दा बढी , सानो हतियार (पेस्तोल–रिभल्वर) २ थान र त्यसमा लोड गरिएको ४० राउण्ड गोली, सर्टगन–ग्यासगन ४ थान र त्यसको १८० सेल अश्रुग्यास अझै नभेटिएको प्रहरीले जनाएको छ ।

त्यस्तै, इलाका प्रहरी कार्यालय बिर्तामोडबाट लामो हतियार (एसएलआर) १ थान र त्यसको १ हजार ५ सय भन्दा बढी गोली , पेस्तोल–रिभल्वर ३ थान र त्यसमा प्रयोग हुने १ सय ५० भन्दा बढी राउण्ड गोली अझैसम्म गायब छन् । झापाबाट लुटिएकामध्ये ८५ थान हतियार यसअघि आन्दोलनकारीले मानव अधिकारवादीको रोहबरमा बुझाएपछि चारआलीस्थित अरिदमण गणले प्रहरीलाई जिम्मा लगाएको थियो ।

प्रहरीबाट लुटिएका हतियार अझै बाहिरै रहेकाले सुरक्षा चुनौती बढेको छ । प्रहरीले हतियार बुझाउन बारम्बार आग्रह गरेको छ । तर, लुटपाटमा संलग्नले सबै हतियार बुझाउन अझैसम्म तत्परता देखाएका छैनन् ।

जेनजी आन्दोलनमा आगजनी र तोडफोड गरिएका प्रहरी भवन मर्मत सम्भर एवं पुनर्निर्माणको काम भइरहेको छ । आन्दोलनपछि प्रहरी काममा फर्किएको छ । तर, सहज तरिकाले काम गर्ने वातावरण नबन्दा समुदायमा सुरक्षा चुनौती बढेको प्रहरी अधिकारीहरु बताउँछन् ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.