नेविसंघद्वारा बालेन र सुदनविरुद्ध प्रहरीमा उजुरी

Share this
712shares
मुलुकी खबर
मुलुकी खबर
clock२०८२ असोज २६, आइतबार १४:०२

काठमाडौं । काठमाडौं महानगरपालिकाका मेयर बालेन्द्र शाह (बालेन) र हामी नेपाल संस्थाका संयोजक एवं आफूलाई जेनजी अगुवा बताउने सुदन गुरुङविरुद्ध प्रहरीमा उजुरी परेको छ ।

नेपाली कांग्रेसको विद्यार्थी संगठन नेविसंघ (नेपाल विद्यार्थी संघ)ले जिल्ला प्रहरी परिसर काठमाडौं र ललितपुरमा उजुरी दिएको हो । उजुरी गत भदौ २३ र २४ गते भएको जेनजी युवा आन्दोलनको क्रममा भएको अप्रिय घटनासँग सम्बन्धित छ ।

नेविसंघले उजुरीमार्फत आन्दोलनमा विद्यार्थीहरुलाई उक्साएर आगजनी, तोडफोड र राष्ट्रिय सम्पत्तिमा क्षति पुर्याइएको उल्लेख गरेको छ । त्यस्तै, सरकारी तथा निजी सम्पत्तिमा लुटपाटसमेत भएको घटनामा बालेन र सुदनको प्रत्यक्ष वा अप्रत्यक्ष संलग्नता रहेको उजुरीमा जनाइएको छ ।

नेविसंघले दुवै जनाविरुद्ध कानुनी कारबाही हुनुपर्ने माग राखेको छ । नेविसंघ केन्द्रीय सदस्य मनीषजंग थापा, अशोकसिंह विष्ट र विजय शाहले उजुरी दिएका हुन् । उनीहरूले उजुरीमा २४ घण्टाभित्र प्रहरीसँग जवाफको अपेक्षा राखेका छन् ।

बालेन र सुदनलाई पक्राउ गरी अनुसन्धान थाल्नुपर्ने माग उजुरीमा गरिएको छ । उजुरीकर्तामध्ये अशोकसिंह विष्टले भने, ‘हामीले २४ घण्टाभित्र जवाफको माग गरेका छौं । प्रहरीले सरकारी वकिलसँग परामर्श गरेर जानकारी दिने भनेको छ ।’

यसअघि पनि सुदन गुरुङसहितका केही युवा नेताहरूले आन्दोलनमा दमन भएको भन्दै तत्कालीन प्रधानमन्त्री केपी शर्मा ओली, गृहमन्त्री रमेश लेखक र अन्यविरुद्ध उजुरी दिएका थिए । त्यस्तै, नेकपा (एमाले)निकट विद्यार्थी संगठन अनेरास्ववियुले पनि बालेन र सुदनविरुद्ध उजुरी दिएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.