ट्रेकिङमा रहेका पर्यटकलाई सुरक्षित आश्रयमा बस्न बोर्डको आग्रह

Share this
770shares
मुलुकी खबर
मुलुकी खबर
clock२०८२ कात्तिक ११, मंगलबार १६:००

काठमाडौँ। नेपाल पर्यटन बोर्डले आगामी केही दिन उच्च हिमाली र पहाडी क्षेत्रको यात्रामा नजान पर्वतारोहण, ट्रेकिङ टोली र पर्यटकहरूलाई विशेष आग्रह गरेको छ। मौसममा आएको बदलावका कारण सतर्क रहन भन्दै बोर्डले सूचना जारी गरेको हो।

जल तथा मौसम विज्ञान विभागका अनुसार पश्चिमी र अरब सागरमा बनेको न्यूनचापीय प्रणालीको प्रभाव नेपालको मौसममा देखिएको छ। यसका कारण देशका विभिन्न स्थानमा हल्कादेखि मध्यम वर्षा र हिमपात हुने सम्भावना छ। खासगरी, गण्डकी, लुम्बिनी, बागमती र कर्णाली प्रदेशका उच्च हिमाली र पहाडी भेगमा कात्तिक १० देखि १२ गतेको बीचमा भारी वर्षा र हिमपातको अनुमान गरिएको छ।

बोर्डले पर्वतारोहण र ट्रेकिङ समूहहरूलाई स्थानीय प्रशासन र गाइडसँग समन्वय गरी सुरक्षालाई पहिलो प्राथमिकतामा राख्न अनुरोध गरेको छ। मौसम सुधार नहुँदासम्म सुरक्षित आश्रयस्थलमा बस्न र कुनै कठिनाइ आएमा तुरुन्त स्थानीय प्रशासन वा पर्यटक प्रहरीलाई सम्पर्क गर्न भनिएको छ।

पाहुनाको सुरक्षाको ख्याल राख्दै आवश्यक आश्रय र सहुलियत उचित मूल्यमा उपलब्ध गराउन बोर्डले आग्रह गरेको छ। खराब मौसम र सुरक्षाको दृष्टिकोणले अन्नपूर्ण बेस क्याम्प ट्रेकिङ मार्ग शुक्रबार साँझसम्मका लागि अस्थायी रूपमा बन्द रहने बोर्डले जनाएको छ।

बोर्डले गण्डकी प्रदेश र अन्य सम्बन्धित निकायहरूलाई पर्यटकको सुरक्षाका लागि समन्वय गर्न र सबै सरोकारवालालाई जल तथा मौसम विज्ञान विभागकाे आधिकारिक जानकारी नियमित अनुगमन गर्न आग्रह गरेको छ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.