
काठमाडौं । गत भदौ २४ गतेको ‘जेनजी आन्दोलन’का क्रममा नेपाल प्रहरीका एक पूर्व प्रहरी उपरीक्षक (एसपी) को घरमा लुटपाट गरेको आरोपमा प्रहरीले एक जनालाई पक्राउ गरेको छ ।
पक्राउ पर्नेमा दोलखाको तामाकोशी गाउँपालिका–३, जामुने घर भएका ३४ वर्षीय रन्जेन्द्र महत छन् । प्रहरी प्रभाग काँडाघारीको टोलीले महतलाई बुधबार साँझ गोठाटारबाट पक्राउ गरेको हो । उनलाई कागेश्वरी मनोहरा नगरपालिका–८, गणेश मन्दिरस्थित पूर्वएसपी कमलेन्द्र कर्णको घरमा लुटपाट र आगजनी गरेको आरोप लागेको छ ।
प्रहरीले घटनाबारे थप अनुसन्धान गरिरहेको जनाएको छ।

























