विराटनगरमा पानी माग्दै गएका पुरुषले केक काउन्टरकी महिलालाई कुटेपछि …

Share this
694shares
मुलुकी खबर
मुलुकी खबर
clock२०८२ कात्तिक २८, शुक्रबार १५:०६

विराटनगर । विराटनगरको केक काउन्टरमा पानी माग्दै गएका १ जना पुरुषले शुक्रबार बिहान उक्त केक काउन्टरमा काम गर्ने महिलालाई कुटपिट गरेका छन् ।

विराटनगर महानगरपालिका–७ स्थित न्यू किरण पाउरोटी उद्योग नामक केक काउन्टरमा पानी माग्दै गएका विराटनगर–७ का ३५ वर्षीय भास्कर बस्नेतले महिलालाई कुटपिट गरेको प्रहरीले जनाएको छ । कुटपिटबाट काउन्टरमा काम गर्ने मोरङको कटहरी गाउँपालिका–२ की २४ वर्षीया पवित्रा राजवंशी सामान्य घाइते भएकी छन् ।

उनको कानमा चोट लागेको छ । प्रहरीका अनुसार उपचारका लागि उनलाई कोशी अस्पताल लगिएको छ । प्रत्यक्षदर्शीका अनुसार बस्नेत खानलाई भनेर पानी माग्दै केक काउन्टरमा पुगेका थिए ।

काउन्टरमा काम गर्ने राजवंशीले उनलाई फ्रिजबाट निकालेर पानीको बोतल दिइन् । त्यसलगत्तै उनले राजवंशीको टाउको बारम्बार त्यही फ्रिजमा ठोक्काइदिएका छन् । घटनासँग सम्बन्धित भिडियो पनि बाहिरिएको छ ।

भिडियोमा महिलाले पानीको बोतल निकालेर बस्नेतलाई दिएको र त्यसलगत्तै बस्नेतले ती महिलाको टाउको ५–६ पटक फ्रिजमा ठोक्काइदिएको देख्न सकिन्छ । आफ्नो टाउको फ्रिजमा ठोक्काइदिन थालेपछि ती महिला चिच्याएकी थिइन् ।

त्यसलगत्तै काउन्टरमा रहेका युवाहरुले छुट्याएर प्रहरीलाई खबर गरेका थिए । वडा प्रहरी कार्यालय विराटनगरबाट खटिएको टोलीले बस्नेतलाई पक्राउ गरेको छ । उनले ती महिलालाई कुटपिट गर्नुको कारण खुल्न सकेको छैन ।

‘पानी दिनसाथ एक्कासि महिलाको टाउको समातेर फ्रिजमा ठोक्काइदिन थालेको भिडियोमा देख्न सकिन्छ । कसरी र किन घटना भयो भनेर थाहा छैन । हेर्दा बस्नेतमा मानसिक समस्या हो कि जस्तो देखिन्छ,’ प्रहरी स्रोतले भन्यो । पक्राउ परेका बस्नेतलाई जिल्ला प्रहरी कार्यालय मोरङमा राखिएको छ । प्रहरीले घटनाको थप अनुसन्धान गरिरहेको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.