मोरङको जहदामा भाइको हत्या, दाजु फरार

Share this
748shares
मुलुकी खबर
मुलुकी खबर
clock२०८२ मंसिर १८, बिहीबार १६:२०

विराटनगर । मोरङको जहदामा दाजुभाइबीच झगडा हुँदा भाइकाे मृत्यु भएकाे छ । सामान्य विवादमा दाजुले धारिलाे हतियार प्रहार गरेपछि भाइको मृत्यु भएको हाे ।

जहदा गाउँपालिका–७ तरिगामास्थित मझारेका २८ वर्षीय श्रवणकुमार साहको बुधबार राति उपभारका क्रममा मृत्यु भएको जिल्ला प्रहरी कार्यालय मोरङका प्रहरी निरीक्षक लेखनाथ दाहालले जानकारी दिए । उनका अनुसार दाजुभाइबीच विवाद हुँदा धारिलो हतियारबाट घाइते भएका श्रवणको राति नै उपचारका क्रममा अस्पतालमा मृत्यु भएको हो ।

बुधबार राति पौने ९ बजेतिर मृतक श्रवण र उनका दाजु नाताका सोही ठाउँका ३० वर्षीय राजकुमार साहबीच सामान्य विवाद भएको प्रारम्भिक अनुसन्धानबाट खुलेको छ ।

राजकुमारले काका का छोरा भाइ श्रवणको वायाँ छातीमा धारिलो हतियार प्रहार गरी घाइते बनाएको बताउँदै प्रहरी निरीक्षक दाहालले भने, ‘राजकुमारले प्रहार गरेको हतियारबाट घाइते भएका श्रवणलाई तत्कालै उपचारका लागि बुढीगंगास्थित विराट टिचिङ अस्पताल लगिएकाे थियाे, उपचारकै क्रममा राति मृत्यु भयो ।’

हातियार प्रहार गर्नुका कारण भने सामान्य विवाद रहेकाे प्रहरीले जनाएकाे छ ।

श्रवणलाई हतियार प्रहार गरे लगत्तै राजकुमार भारततर्फ फरार भएका छन् ।

घटनास्थलबाट भारतीय सीमा करिब १ सय मिटर दूरी मात्रै रहेकाले उनी सहजै भाग्न सफल भएको प्रहरीले जनाएको छ । फरार भएका राजकुमारको भारतीय प्रहरीसँग समन्वय गरेर खोजतलास तीव्र पारिएको र घटनाको थप अनुसन्धान अघि बढाएको प्रहरी निरीक्षक दाहालले बताए । मृतक श्रवणको पोस्टमार्टम गरेर शव परिवारको जिम्मा दिइ सकेको प्रहरीले जनाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.