भोजपुरमा ८ वर्षअघि पत्नीको हत्या, मोरङको बेलबारीबाट पक्राउ परे अभियुक्त

Share this
770shares
मुलुकी खबर
मुलुकी खबर
clock२०८२ मंसिर २६, शुक्रबार ०८:३०

विराटनगर । भोजपुरमा ८ वर्षअघि पत्नीको हत्या गरेर फरार भएका अभियुक्तलाई प्रहरीले मोरङको बेलबारीबाट पक्राउ गरेको छ ।

भोजपुर नगरपालिका–६ देउराली घर भएका ६३ वर्षीय नारदमणि राई पक्राउ परेका हुन् । भोजपुर प्रहरीका निमित्त प्रमुख एवं प्रवक्ता इन्स्पेक्टर महेन्द्र पराजुलीका अनुसार २०७४ साल साउन १९ गते पत्नी ४६ वर्षीया अम्बिका श्रेष्ठ (राई)को हत्या गरेर नारदमणि फरार भएका थिए ।

सुतिरहेका बेला बिहानका राति १ बजेतिर नारदमणिले कुटपिट गरेर पत्नी अम्बिकाको हत्या गरेको जानकारी पराजुलीले दिए । उनका अनुसार पत्नीलाई मारेर तत्काल घटनास्थलबाट फरार भएका नारदमणि लामो समयदेखि प्रहरीको खोजी सूचीमा थिए ।

उनलाई प्रहरीले मोरङको बेलबारी नगरपालिका–३ बाट बिहीबार पक्राउ गरी अड्डासार गरेर भोजपुर पुर्याएको छ । पत्नीको हत्यापछि भागेर मोरङ झरेका नारदमणि बेलबारी–३ का छत्रबहादुर गुरुङको घरमा डेरा गरेर बस्दै आएको पत्ता लागेको छ ।

विशेष सूचनाका आधारमा जिल्ला प्रहरी कार्यालय भोजपुर र इलाका प्रहरी कार्यालय बेलबारीबाट खटिएको संयुक्त टोलीले उनलाई डेरानजिकैबाट पक्राउ गरेको हो । पत्नी हत्याका अभियुक्त लुकिछिपी बसिरहेको सूचना प्राप्त हुनसाथ निगरानीका लागि इलाका प्रहरी कार्यालय बेलबारीका इन्स्पेक्टर राजीव गिरीले असई रामकुमार बम्जनको नेतृत्वमा विशेष टोली परिचालन गरेका थिए ।

भोजपुरबाट सहायक हवल्दार प्रवीण राईको टोली आएलगत्तै बेलबारी प्रहरीको सहयोगमा पक्राउ गरेर नारदमणिलाई भोजपुर लगिएको छ । हाल जिल्ला प्रहरी कार्यालय भोजपुरको हिरासतमा रहेका उनीविरुद्ध कर्तव्य ज्यान मुद्दा चलाउन अदालतबाट म्याद थप गरेर अनुसन्धानको बाँकी प्रक्रिया अघि बढाउने तयारी गरिएको भोजपुर प्रहरीका इन्स्पेक्टर पराजुलीले बताए ।

उनका अनुसार घरयासी विवादमा नारदमणिले पत्नीको हत्या गरेको प्रारम्भिक अनुसन्धानबाट खुलेको छ । घटनासँग सम्बन्धित अन्य विषय विस्तृत अनुसन्धानपछि प्रष्ट हुने पराजुलीको भनाइ छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.