
उदयपुर । उदयपुरमा दाइले भाइको हत्या गरेका छन् । त्रियुगा नगरपालिका–१ का ४३ वर्षीय युवराज राईले खुकुरी प्रहार गरेर भाइ ३० वर्षीय धर्मराज राईको हत्या गरेको प्रहरीले जनाएको छ ।
दाइको खुकुरी प्रहारबाट धर्मराज गम्भीर घाइते भएका थिए । उपचारका लागि जिल्ला अस्पताल उदयपुर पुर्याइएका उनको शनिबार बिहानका राति २ बजेतिर मृत्यु भएको प्रहरीले जनाएको छ ।
प्रहरीका अनुसार दाइले आमालाई कुटपिट गरेपछि भाइ छुट्याउन गएका थिए । त्यस क्रममा विवाद हुँदा शरीरका विभिन्न भागमा खुकुरीले हानेर भाइको हत्या गरेको पाइएको प्रहरीले जनाएको छ । प्रहरीले घटनाको अनुसन्धान भइरहेको जनाएको छ ।

























