
विराटनगर । मोरङको पथरीशनिश्चरेबाट बिहीबार दिउँसो लागुऔषध ब्राउन सुगर (खैरो हेरोइन)सहित दम्पती पक्राउ परेका छन् ।
पथरीशनिश्चरे नगरपालिका–२ का ३१ वर्षीय नीरज गुरुङ र उनकी पत्नी २५ वर्षीया सुमता राईलाई पक्राउ गरिएको प्रहरीले जनाएको छ । लागुऔषध बेचबिखन तथा ओसारपसार भइरहेको सूचनाका आधारमा इलाका प्रहरी कार्यालय पथरीबाट खटिएको टोलीले दिउँसो २ः४५ बजेतिर दम्पतीलाई पक्राउ गरेको हो ।
गुरुङको घरमा प्रहरीले छापा मार्दा उनकी पत्नी सुमताको साथबाट ७ सय २० मिलिग्राम खैरो हेरोइन फेला परेको थियो । दुवै जनालाई इलाका प्रहरी कार्यालय पथरीको हिरासतमा राखेर घटनाको थप अनुसन्धान अघि बढाइएको छ ।

























