मोरङको रंगेलीबाट नक्कली नोटसहित १ जना पक्राउ

Share this
725shares
मुलुकी खबर
मुलुकी खबर
clock२०८२ माघ १४, बुधबार ०७:४७
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ

विराटनगर । मोरङको रंगेलीबाट नक्कली नोटसहित १ जनालाई प्रहरीले मंगलबार राति पक्राउ गरेको छ । रंगेली नगरपालिका–२ का ४५ वर्षीय सहमद हुसेन पक्राउ परेका हुन् ।

नवीन पुरीले सञ्चालन गरेको डिस्टिलरी पसलमा रेडबुल खरिद गर्दा र उज्वल ढकालले सञ्चालन गरेको किराना पसलमा उधारो तिर्दा हुसेनले १-१ हजार दरका नक्कली नोट दिएको प्रहरीले जनाएको छ । नोट शंकास्पद लागेपछि पुरी र ढकालले प्रहरीलाई जानकारी गराएका थिए ।

त्यसलगत्तै पुगेको प्रहरी टोलीले हुसेनलाई पक्राउ गरेको थियो । सोधपुछका क्रममा घरमा समेत नक्कली नोट रहेको बताएपछि इलाका प्रहरी कार्यालय रंगेलीका इन्स्पेक्टर नरेन्द्रकुमार बोगटी नेतृत्वको टोली राति ८ बजेतिर उनको घर पुगेको थियो ।

खानतलासी गर्ने क्रममा हुसेनले चलाउँदै आएको प्रदेश १–०१–००४ ह ०६३७ नम्बरको सीटी सफारीको चालक बस्ने सिटको डिकीभित्र १ हजार दरका २ वटा नक्कली नोट फेला परेको मोरङ प्रहरी प्रमुख एसपी कवित कटवालले बताए । उनका अनुसार हुसेनकै साथबाट पनि अर्को नक्कली नोट फेला परेको थियो ।

साथबाट बरामद भएको, पसलमा दिएको र सीटी सफारीमा फेला परेको गरेर ५ वटा नक्कली नोटसहित हुसेनलाई पक्राउ गरेर इलाका प्रहरी कार्यालय रंगेलीको हिरासतमा राखिएको छ । नक्कली नोटको धन्दामा ठूलै गिरोह संलग्न भएको हुनसक्ने प्रहरीको अनुमान छ ।

यद्यपि, उनले नक्कली नोटहरु कहाँबाट ल्याएका हुन् र उनलाई कसले दिएको हो भन्ने यकिन भइसकेको छ । विभिन्न कोणबाट अनुसन्धान अघि बढाएर नक्कली नोटको कारोबार गर्ने गिरोहसम्म पुग्ने प्रयास प्रहरीले गरिरहेको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.