खेतमा काम गरिरहेका बेला गोली हानेर हत्या

Share this
669shares
मुलुकी खबर
मुलुकी खबर
clock२०८२ माघ १६, शुक्रबार १७:१९

सिरहा । खेतमा काम गरिरहेका बेला सिरहामा अज्ञात व्यक्तिले गोली हानेर १ जनाको हत्या गरेका छन् । सिरहा नगरपालिका–१ का ४५ वर्षीय प्रेमनाथ यादवको शुक्रबार हत्या भएको हो ।

आफ्नै खेतमा ट्र्याक्टर चलाउँदै गर्दा अज्ञात व्यक्तिले उनीमाथि गोली प्रहार गरेको प्रहरीले जनाएको छ । स्थानीयका अनुसार गोली प्रहार हुनुअघि यादव वडा नम्बर ७ स्थित मैनाबत्ती खोला किनारको खेतमा जोतिरहेका थिए ।

यादवको घटनास्थलमै यादवको मृत्यु भएको बताइएको छ । वडाध्यक्ष महेशकुमार यादवले भने, ‘खेत जोत्न गएका बेला उहाँमाथि गोली हानी हत्या गरिएको खबर प्राप्त भएको छ । मैले पनि घटनाबारे थप बुझ्दैछु र अस्पतालतर्फ जाँदैछु ।’

सिरहा प्रहरीका प्रवक्ता डीएसपी रमेशबहादुर पालले घटनास्थलको अवस्था हेर्दा गोली हानी हत्या भएको देखिएको बताए । ‘कसले र किन गोली हानेको भन्ने विषय हालसम्म खुल्न सकेको छैन । अनुसन्धान जारी छ,’ उनले भने ।

घटनापछि स्थानीय र परिवारजन स्तब्ध छन् । घटनामा संलग्नको पहिचान नखुलेको र खोजी थालेर थप अनुसन्धान अघि बढाइएको प्रहरीले जनाएको छ । यादवमाथि गोली प्रहार हुनुको कारण पनि खुलेको छैन ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.