सासू र ससुरालाई विष खुवाउने सुनिता कारागार चलान

Share this
717shares
मुलुकी खबर
मुलुकी खबर
clock२०८२ पुस १८, शुक्रबार १७:४०
तस्बिर : एआई

विराटनगर । खानामा काकी सासू र काका ससुरालाई विष मिसाएर खुवाउने मोरङको बेलबारी नगरपालिका–२ सिंहदेवी टोलमा बस्दै आएकी ३२ वर्षीया सुनिता कार्की कारागार चलान भएकी छन् ।

जिल्ला अदालत मोरङका न्यायाधीश चित्रबहादुर गुरुङको इजलासले सुनितालाई थुनामा राखेर मुद्दाको पुर्पक्ष गर्न बिहीबार आदेश दिएको थियो । अदालतले थुनामा राख्न आदेश दिएलगत्तै उनलाई जिल्ला कारागार मोरङ चलान गरिएको जानकारी अदालतका सूचना अधिकारी हेमबहादुर बुढाथोकीले दिए ।

सुनिताले मंसिर २० गते काकी सासू ७७ वर्षीया इन्द्रमाया राई र काका ससुरा ७० वर्षीय भक्तबहादुर राईलाई खाना विष मिसाएर खुवाएको प्रहरी अनुसन्धानबाट पत्ता लागेको छ । विष मिसाएर खुवाउँदा इन्द्रमायाको मृत्यु भएको थियो । भक्तबहादुर विराटनगरको नोबेल शिक्षण अस्पतालमा उपचार गराएर निको भएपछि फर्किएका छन् ।

सुनिताविरुद्ध प्रहरीले कर्तव्य ज्यान र ज्यान मार्ने उद्योग मुद्दामा अनुसन्धान गरेको थियो । अनुसन्धान सकेर प्रहरीले मिसिल (अनुसन्धान प्रतिवेदन) बुझाएपछि सरकारी वकिल कार्यालयले अभियोगपत्र तयार पार्दै मोरङ अदालतमा मुद्दा दायर गरेको हो ।

अदालतमा सुनिताको बयान सकिएपछि वादी नेपाल सरकार र प्रतिवादीतर्फका कानुन व्यवसायीबीच थुनछेक बहस भएको थियो । थुनछेक बहस सकिएपछि तत्काल प्राप्त प्रमाणका आधारमा पछि ठहरे बमोजिम हुने गरी उनलाई थुनामा राखेर मुद्दाको पुर्पक्ष गर्न आदेश भएको अदालतका सूचना अधिकारी बुढाथोकीले बताए ।

‘घरमा धेरै कराएको रिसमा आफूले काकी सासू र काका ससुरालाई खानामा विष मिसाएर खुवाएको’ बयान सुनिताले दिएकी छन् । ७० वर्षीय भक्तबहादुर मंसिर २० गते दिउँसो घरनजिकको खोल्सामा बेहोस अवस्थामा भेटिएका थिए । स्थानीयले उद्धार गरेर घरमा ल्याउँदा उनकी पत्नी ७७ वर्षीया इन्द्रमायासमेत बेहोस अवस्थामा ढलिरहेकी थिइन् ।

घर वरपर हेर्दा खोरमा रहेका ३ वटा कुखुरासमेत मरिरहेको अवस्थामा भेटिए । बेहोस अवस्थामा भेटिएका वृद्ध दम्पतीलाई उपचारका लागि विराटनगरको नोबेल शिक्षण अस्पतालमा भर्ना गरिएको थियो ।

आईसीयूमा उपचाररतमध्ये इन्द्रमायाको मृत्यु भएको हो । त्यसै दिन प्रहरीले भतिजी बुहारी सुनितालाई पक्राउ गरेर अनुसन्धानको दायरामा ल्याएको थियो । अँगेनोमा हालेर जलाइएको अवस्थामा विषादीको बट्टा पनि घटनास्थलबाट प्रहरीले बरामद गरेको थियो ।

प्रहरीको अनुसन्धानबाट सुनीताले वृद्ध अवस्थाका सासू र ससुरालाई खानामा विष मिसाएर खुवाएको पत्ता लागेको छ । वृद्ध दम्पतीले आफूले खाएर उब्रिएको खाना कुखुरालाई खुवाएका थिए । त्यसले खुकुरा पनि मरेको पाइएको हो ।

भक्तबहादुर राई र इन्द्रमाया राईका आफ्ना सन्तान छैनन् । वृद्ध दम्पतीसँग भतिजो प्रशान राई र उनकी श्रीमती सुनीता कार्की बस्दै आएका थिए । प्रशान घर बाहिर रहेका बेला सुनीताले भने वृद्ध अवस्थाका सासू र ससुरालाई खानामा विष मिसाएर खुवाएको अनुसन्धानबाट पत्ता लागेको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.