मलद्वारमा भेटियो खैरो हेरोइन, मोरङमा मोटरसाइकल चालक पक्राउ

Share this
737shares
मुलुकी खबर
मुलुकी खबर
clock२०८२ पुस २३, बुधबार १९:३१

विराटनगर । मलद्वारमा लागुऔषध खैरो हेरोइन (ब्राउन सुगर) लुकाएर ल्याउने १ जना बुधबार दिउँसो मोरङमा पक्राउ परेका छन् ।

सुनवर्षी नगरपालिका–१ र २ को सिमानामा पर्ने गिरदलिया भित्री सडक खण्डबाट प्रहरीले २९ वर्षीय विवेक तिमल्सिनालाई पक्राउ गरेको हो । पथरीशनिश्चरे नगरपालिका–६ का तिमल्सिना बा ३७ प ४०० नम्बरको मोटरसाइकलमा सवार थिए ।

प्रहरी चौकी अमरदहबाट खटिएको टोलीले डाइनियाबाट पथरीतर्फ जाँदै गरेको मोटरसाइकल रोकेर उनलाई दिउँसो १ बजेतिर पक्राउ गरेको हो । तिमल्सिनाको गतिविधि शंकास्पद देखिएपछि प्रहरीले मोटरसाइकल रोकेर चेकजाँच गरेको थियो ।

खानतलासीका क्रममा तिमल्सिनाले मलद्वारमा प्लास्टिकको पोका बनाई लुकाइछिपाइ ल्याएको अवस्थामा लागुऔषध खेरो हेरोइन फेला परेको प्रहरीले जनाएको छ । प्रहरीका अनुसार ३ ग्राम ३० मिलिग्राम खैरो हेरोइन बरामद भएको छ ।

खैरो हेरोइन र मोटरसाइकलसहित पक्राउ परेका उनलाई इलाका प्रहरी कार्यालय रंगेलीमा राखेर इन्स्पेक्टर नरेन्द्रकुमार बोगटी नेतृत्वको टोलीले थप अनुसन्धान गरिरहेको छ । तिमल्सिनाविरुद्ध लागुऔषध ऐनअन्तर्गतको मुद्दा चलाउने प्रहरीको तयारी छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.