भाइको सहयोग लिएर पत्नीको हत्या

Share this
762shares
मुलुकी खबर
मुलुकी खबर
clock२०८२ माघ १९, सोमबार ०८:३०

प्यूठान । प्यूठानको गौमुखी गाउँपालिका–६ लिबाङमा १ युवकले आफ्नै भाइको सहयोगमा पत्नीको हत्या गरेका छन् ।

हत्यामा संलग्न दाजुभाइलाई नै प्रहरीले पक्राउ गरेको छ । प्रहरीका अनुसार १९ वर्षीय अनिल घर्तीले आफ्नै १७ वर्षीय भाइको सहयोगमा पत्नी १९ वर्षीया शर्मिला घर्तीको हत्या गरेका हुन् ।

प्रारम्भिक अनुसन्धानमा दाजुभाइले योजनाबद्ध रूपमा शर्मिलालाई भिरबाट धकेलेको खुलेको प्रहरीले जनाएको छ । प्रहरीका अनुसार प्रेम सम्बन्धमा रहेका अनिल र शर्मिलाबीच २ वर्षअघि कानुनविपरीत बालविवाह भएको थियो ।

केही समयदेखि अनिलले शर्मिलामाथि परपुरुषसँग सम्बन्ध रहेको शंका गर्दै आएका थिए । सोही विषयमा दम्पतीबीच विवाद भइरहने गरेको बताइएको छ ।

घटनाको दिन माघ १६ गते साँझ अनिलले शर्मिलालाई घुम्न जाने बहानामा घरबाट बाहिर लगेका थिए । त्यस क्रममा विवाद बढेपछि उनलाई भिरबाट धकेलेको प्रारम्भिक अनुसन्धानले देखाएको छ ।

घटना पश्चात दुवै जनाले दुर्घटना जस्तो देखाउने प्रयास गरेको प्रहरीले जनाएको छ । पक्राउ परेका दाजुभाइविरुद्ध कर्तव्य ज्यान मुद्दा चलाउन प्रहरीले अनुसन्धानको थप प्रक्रिया अघि बढाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.