ओलीलाई भेटेपछि दुर्गा प्रसाईं पक्राउ

Share this
714shares
मुलुकी खबर
मुलुकी खबर
clock२०८२ माघ २५, आइतबार १४:२६

काठमाडौं । विवादास्पद छविका मेडिकल व्यवसायी तथा ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’का संयोजक दुर्गा प्रसाईं नेकपा (एमाले)का अध्यक्ष केपी शर्मा ओलीलाई भेटेपछि पक्राउ परेको खुलेको छ ।

उनी अहिले प्रहरी हिरासतमा छन् । निर्वाचन आचारसंहिता उल्लंघन गरेको आरोपमा प्रहरीले उनलाई काठमाडौंको चाल्नाखेल क्षेत्रबाट शुक्रबार पक्राउ गरेको थियो ।

विद्युतीय माध्यममार्फत निर्वाचनलाई प्रभाव पार्ने खालका अभिव्यक्ति दिएको भन्दै प्रहरीले विद्युतीय कारोबार ऐन अन्तर्गत अनुसन्धान अघि बढाइएको जनाएको छ । नेपाल प्रहरीको साइबर ब्युरोले निर्वाचन आयोगबाट प्राप्त पत्रका आधारमा अनुसन्धान सुरु गरेको हो ।

साइबर ब्युरोका एसपी दीपकराज अवस्थीका अनुसार प्रसाईंले सामाजिक सञ्जाल तथा अन्य विद्युतीय प्लेटफर्ममार्फत निर्वाचन आचारसंहिता विपरीत अभिव्यक्ति दिएको आशंकामा म्याद लिएर थप अनुसन्धान अघि बढाइएको छ । प्रहरीका अनुसार प्रसाईंको गतिविधिले आसन्न निर्वाचनलाई प्रभावित पार्न सक्ने जोखिम देखिएपछि निगरानी बढाइएको थियो ।

पक्राउ हुनुअघि प्रसाईं र एमालेका अध्यक्ष तथा पूर्व प्रधानमन्त्री ओलीबीच भेटवार्ता भएको तथ्य बाहिर आएको छ । उच्च सुरक्षा स्रोतका अनुसार माघ २२ गते भक्तपुरमा दुबैबीच भेट भएको थियो । भेटपछि प्रसाईं वीरगन्जमा कार्यक्रमका लागि जाने तयारीमा थिए ।

वीरगन्जमा हुने भनिएको कार्यक्रममार्फत फागुन २१ मा हुने निर्वाचन बिथोल्ने अभियान सुरु हुन सक्ने सूचनाका आधारमा सुरक्षा संयन्त्रलाई सतर्क बनाइएको थियो । यही सूचनापछि उच्च तहमा छलफल गरी प्रसाईंलाई नियन्त्रणमा लिने निर्णय भएको प्रहरी स्रोतको दाबी छ ।

एमाले अध्यक्ष ओली झापा–५ बाट प्रतिनिधिसभा सदस्यका उम्मेदवार छन् । सो निर्वाचन क्षेत्रमा राष्ट्रिय स्वतन्त्र पार्टी (रास्वपा)का वरिष्ठ नेता तथा काठमाडौं महानगरपालिकाका पूर्वप्रमुख बालेन्द्र साह (बालने) उनका मुख्य प्रतिस्पर्धीका रूपमा रहेका छन् ।

यही राजनीतिक पृष्ठभूमिमा प्रसाईंको गतिविधि र अभिव्यक्तिलाई संवेदनशील रूपमा हेरिएको सुरक्षा निकायको बुझाइ छ । प्रसाईं यसअघि पनि विभिन्न आरोपमा पक्राउ परिसकेका छन् ।

माघ ५ गते पोखराबाट पक्राउ परेका उनी सार्वजनिक शान्ति विरुद्धको कसुरमा काठमाडौं प्रहरीले बयान लिएपछि हाजिर जमानीमा रिहा भएका थिए । त्यस क्रममा उनले नेपाली कांग्रेसको विशेष महाधिवेशनसँग सम्बन्धित विषयमा निर्वाचन आयोगमा रकम बुझाएर आधिकारिकता लिएको भन्ने दाबी सार्वजनिक रूपमा गरेका थिए । जसले राजनीतिक वृत्तमा विवाद निम्त्याएको थियो ।

यसअघि २०८१ मंसिर ४ गते तत्कालीन प्रधानमन्त्री केपी शर्मा ओलीको कम्बोडियास्थित १ टेलिकम कम्पनीमा लगानी रहेको आरोप सार्वजनिक गरेपछि पनि प्रसाईं पक्राउ परेका थिए । त्यस बेला उनले ओलीको लगानीसम्बन्धी कागजात प्राप्त गर्न आफूले १ करोड रुपैयाँ बुझाएको दाबी गर्दै पत्रकार सम्मेलन गरेका थिए ।

सो घटनापछि ओलीकै निर्देशनमा आफू पक्राउ परेको भन्दै प्रसाईंले असन्तुष्टि जनाएका थिए । उक्त प्रकरणमा ओलीविरुद्ध फर्जी कागजात तयार गरी सामाजिक सञ्जालमा अपलोड गरेको आरोपमा प्रसाईंमाथि लिखत किर्ते, साइबर अपराध, आपराधिक लाभ, संगठित अपराध तथा सम्पत्ति शुद्धीकरणसम्बन्धी कसुरमा समेत अनुसन्धान अघि बढाइएको थियो ।

पहिले निकट सम्बन्ध रहेको बताइने ओली र प्रसाईंबीच पछिल्लो समय चर्किएको विवादका बीच हालै भएको भेटवार्ताले नयाँ प्रश्नहरू खडा गरेको छ । ओलीमाथि गम्भीर आरोप लगाएर राजनीतिक रूपमा टाढिएका प्रसाईं किन फेरि भेटघाटमा पुगे भन्ने विषयमा विभिन्न अड्कल भइरहेका छन् । तर, सो भेटको ठोस उद्देश्यबारे दुवै पक्षबाट औपचारिक धारणा सार्वजनिक भएको छैन ।

हाल प्रसाईं प्रहरी हिरासतमा छन् । साइबर ब्युरोले उनको अभिव्यक्ति, सामाजिक सञ्जाल गतिविधि तथा सम्भावित राजनीतिक उद्देश्यबारे विस्तृत अनुसन्धान गरिरहेको छ । निर्वाचनको संवेदनशील समय भएकाले अनुसन्धान निष्कर्षले थप कानुनी प्रक्रिया र राजनीतिक प्रभाव पार्न सक्ने देखिएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.