दम्पती हत्या प्रकरणका २ जना अभियुक्त पक्राउ

Share this
795shares
मुलुकी खबर
मुलुकी खबर
clock२०८२ माघ २५, आइतबार १७:०५

काठमाडौं । ओखलढुंगामा भएको वृद्ध राई दम्पतीको हत्या प्रकरणमा संलग्न २ जना अभियुक्तलाई केन्द्रीय अनुसन्धान ब्यूरो (सीआईबी)ले १५ दिनपछि काठमाडौंबाट पक्राउ गरेको छ ।

पक्राउ पर्नेमा ओखलढुंगाकै चिशंखुगढी गाउँपालिका–६ घर भएका ३४ वर्षीय धनबहादुर राना मगर र एक १७ वर्षीय किशोर रहेका छन् । सीआईबीका अनुसार लुटपाट गर्ने उद्देश्यले उनीहरूले यही माघ १२ गते राति चिशंखुगढी–६ मा बसोबास गर्दै आएका ८१ वर्षीय चन्द्रविक्रम राई र उनकी ८० वर्षीया श्रीमती चन्द्रमाया राईको हत्या गरेका हुन् ।

प्रारम्भिक अनुसन्धानबाट अभियुक्तहरू काठमाडौंमै बस्दै आएको र लुट्ने योजनासहित विशेष रूपमा ओखलढुंगा पुगेको खुलेको छ । हत्या भएको भोलिपल्ट राई दम्पती खाट छेउको भुइँमा सिरक ओढेको अवस्थामा मृत फेला परेका थिए ।

घटनामा प्रयोग भएको कोदालो समेत प्रहरीले बरामद गरेको छ । पक्राउ परेका अभियुक्तहरूको कोठाबाट मृतकले प्रयोग गर्ने मोबाइल फोन, अभियुक्तहरूले प्रयोग गर्ने २ थान मोबाइल, लुटिएका १ सय ५९ थान रिचार्ज कार्ड, मृतकको कानमा लगाउने मारवाडी १ जोर, १ थान सिक्री, सी माला तथा नगद १२ हजार रुपैयाँ बरामद गरिएको सीआईबीले जनाएको छ ।

अनुसन्धानका क्रममा अरूले थाहा पाउन सक्ने डरले अभियुक्तहरू रातिको समयमा मात्र गाउँ प्रवेश गरी राति नै हत्या गरेर फरार भएको खुलेको छ । काठमाडौं फर्कँदा समेत उनीहरूले आफ्नो वास्तविक नाम नबताई अर्कै नाम प्रयोग गरी बसको टिकट काटेको पाइएको छ ।

पक्राउ परेका दुवै जनालाई थप अनुसन्धान र कानुनी कारबाहीका लागि ओखलढुंगा पठाइसकिएको प्रहरीले जनाएको छ । यसअघि पनि चिशंखुगढी गाउँपालिका–६ मा गत पुस १५ गते किराना पसल सञ्चालन गर्दै आएका ६० वर्षीय शोभितमान थापा मगर र उनकी श्रीमती ६० वर्षीया रत्नमाया थापा मगरको लुटपाटकै उद्देश्यले हत्या भएको थियो ।

उक्त घटनामा संलग्न ४ जना अभियुक्त हाल पुर्पक्षका लागि कारागारमा रहेका छन् । एकपछि अर्को गरी वृद्ध दम्पती लक्षित हत्या घटनाले ओखलढुंगा जिल्लाको सुरक्षा अवस्था र ग्रामीण क्षेत्रमा वृद्धहरूको सुरक्षाप्रति गम्भीर प्रश्न उठाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.