हतियार र लागुऔषधसहित सुनसरीबाट भारतीय नागरिक पक्राउ

Share this
721shares
मुलुकी खबर
मुलुकी खबर
clock२०८२ फागुन २, शनिबार ०६:२३
फाइल फाेटाे

इटहरी । सुनसरीको कोशी गाउँपालिका–३ जमुवा सीमा क्षेत्रबाट सशस्त्र प्रहरीले हतियार र लागुऔषधसहित १ जना भारतीय नागरिकलाई पक्राउ गरेको छ । प्रतिनिधिसभा सदस्य निर्वाचन नजिकिँदै गर्दा सीमा सुरक्षामा कडाइ गरिएका बेला हतियार र लागुऔषध बोकेर भारतीय नेपाल प्रवेश गरेका हुन् ।

भारतबाट नेपालतर्फ आउँदै गरेको बीआर–५० एजे–४२२९ नम्बरको मोटरसाइकललाई शुक्रबार साँझ करिब ५ः५० बजे सीमा क्षेत्रमा खटिएको सशस्त्र प्रहरीले रोकेर चेकजाँच गरेको थियो । त्यस क्रममा चालकको गतिविधि शंकास्पद देखिएपछि शरीर तथा साथमा बोकेको झोला खानतलासी गर्दा हतियार र लागुऔषध फेला परेको सशस्त्र प्रहरीले जनाएको छ ।

सशस्त्रका अनुसार पक्राउ पर्ने व्यक्ति भारतको अररिया जिल्ला बेला ग्राम पञ्चायत–४ का रामखेलन पासवान हुन् । उनको साथबाट इटालियन ९ एमएम स्वचालित पेस्तोल १ थान, ३ राउन्ड गोली लोड गरिएको म्यागेजिन, थप गोली, लागुऔषध ब्राउन सुगर (खैरो हेरोइन) करिब १ सय ग्राम तथा नेपाली र भारतीय गरी करिब १६ हजार रुपैयाँ नगद बरामद गरिएको जानकारी सशस्त्र प्रहरीले दिएको छ

सशस्त्र प्रहरी बल नेपाल नम्बर १ बराह वाहिनी मुख्यालय सुनसरीका अनुसार निर्वाचनलाई निष्पक्ष, भयरहित र सुरक्षित वातावरणमा सम्पन्न गराउने उद्देश्यले सीमा क्षेत्रमा निगरानी बढाइएको छ । पक्राउ परेका पासवानलाई आवश्यक अनुसन्धान तथा कारबाहीका लागि जिल्ला प्रहरी कार्यालय सुनसरीको जिम्मा लगाइएको छ ।

बरामद भएको हतियार र लागुऔषधको स्रोत, सम्भावित सञ्जाल र नेपालभित्र प्रयोग वा वितरणको योजनाबारे विस्तृत अनुसन्धान अघि बढाएको प्रहरीले जनाएको छ । सीमा क्षेत्रमा हुन सक्ने आपराधिक गतिविधि नियन्त्रण गर्न नियमित गस्ती र कडाइका साथ चेकजाँच अभियान जारी राखिएको प्रहरीको भनाइ छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.