मोरङको जहदामा खाल्डोभित्र भेटियो गाँजा, २७५ किलो बढी बरामद

Share this
734shares
मुलुकी खबर
मुलुकी खबर
clock२०८२ फागुन २, शनिबार ०९:११

विराटनगर । मोरङको जहदामा खाल्डो खनेर लुकाइएको अवस्थामा शनिबार बिहान ठूलो परिमाणमा गाँजा फेला परेको छ । प्रहरीले २ सय ७५ किलो बढी बरामद गरेको छ ।

खाल्डो बनाउँदै माथिबाट परालले छोपेर राखेको अवस्थामा २ सय ७५ किलो ८ सय ग्राम गाँजा भेटिएको मोरङ प्रहरीका सूचना अधिकारी डीएसपी हरिनन्दन चौधरीले बताए । उनका अनुसार जहदा गाउँपालिका–१ का अन्दाजी २८ वर्षीय चन्दनकुमार साहले गाँजा लुकाएर राखेको गोप्य सूचनाका आधारमा नियन्त्रणमा लिन सशस्त्र र नेपाल प्रहरीको संयुक्त टोली खटिएको थियो ।

सशस्त्र प्रहरी बल नेपाल सीमा सुरक्षा गुल्म रानीबाट खटिएको डीएसपी तिलकबहादुर खड्का र इलाका प्रहरी कार्यालय रानीबाट खटिएको इन्स्पेक्टर कविन राई नेतृत्वको संयुक्त टोलीले बिहान ६ बजेतिर खानतलासी गरेको थियो । त्यस क्रममा साहको घरबाट पश्चिमतर्फ रहेको जमिनमा खाल्डो बनाई माथिबाट परालको कुनिउँले छोपेर कालो रंगको प्लाष्टिकमा लुकाइछिपाइ राखिएको अवस्थामा ९ पोका गाँजा फेला परेको डीएसपी चौधरीले बताए । तौल लिँदा २ सय ७५ किलो ८ सय ग्राम भएको हो ।

उनका अनुसार गाँजा बरामद गरेर साहलाई पनि पक्राउ गरिएको छ । प्रारम्भिक अनुसन्धानबाट गाँजा भण्डारण गर्ने कार्यमा संलग्न देखिएका साहलाई आफ्नै घरको कोठामा लुकिछिपी बसिरहेको अवस्थामा भेटिएपछि नियन्त्रणमा लिइएको प्रहरीको भनाइ छ । पक्राउ परेका साह र बरामद गरिएको गाँजालाई इलाका प्रहरी कार्यालय रानीमा राखिएको छ ।

साहविरुद्ध लागुऔषध ऐनअन्तर्गतको मुद्दा चलाउने प्रहरीको तयारी छ । उक्त गाँजा कहाँबाट ल्याइएको र कता लैजान खोजिएको हो तथा यसको धन्दामा को को संलग्न छन् भन्ने पत्ता लगाउन प्रहरीले अनुसन्धान गरिरहेको छ ।

गाँजा बरामद भएको स्थान नेपाल–भारत सीमानजिकै पर्छ । सुरक्षाकर्मीलाई छलेर गाँजा भारत कटाउनका लागि सीमा क्षेत्रनजिकै भण्डारण गरेर राखिएको हुनसक्ने प्रहरीको प्रारम्भिक अनुमान छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.