सब–इन्जिनियरको हत्यापछि देशभर सुरक्षा सतर्कता बढाउन निर्देशन

Share this
772shares
मुलुकी खबर
मुलुकी खबर
clock२०८२ फागुन ४, सोमबार ०७:१२

विराटनगर । सर्लाहीको सदरमुकाम मलंगवामा गोली हानेर सब–इन्जिनियरको हत्या भएपछि प्रहरी प्रधान कार्यालयले देशभर सुरक्षा सतर्कता बढाउन निर्देशन दिएको छ ।

पूर्वाधार विकास कार्यालय सर्लाहीमा कार्यरत ३६ वर्षीय सब–इन्जिनियर प्रमोदकुमार यादवको आइतबार साँझ गोली हानेर हत्या गरिएको छ । उनीमाथि गोली हान्नेको पहिचान हुन बाँकी छ ।

घटनापछि प्रहरी प्रधान कार्यालयले उपत्यका लगायत ७ वटै प्रदेशमा सुरक्षा व्यवस्था भरपर्दो बनाउन विशेष निर्देशन दिएको छ । यस्ता अपराधिक घटनाले आगामी फागुन २१ गतेको निर्वाचनलाई समेत असर पुर्याउन सक्ने प्रहरीले विश्लेषण छ ।

प्रहरीका अनुसार मलंगवा नगरपालिका–१० मा मोटरसाइकलमा आएका २ जना अपरिचित व्यक्तिहरूले यादवमाथि गोली प्रहार गरेका थिए । गम्भीर घाइते उनलाई उपचारका लागि प्रादेशिक अस्पताल पुर्याउनसाथ चिकित्सकले मृत घोषित गरिदिएका हुन् ।

घटनापछि मलंगवा क्षेत्र त्रसित बनेको छ । घटनाको प्रकृति हेर्दा योजनाबद्ध आक्रमण भएको आशंका गरिएको छ । प्रहरी स्रोतका अनुसार हतियारधारीहरु मोटरसाइकल प्रयोग गरी घटनास्थलमा पुगेका थिए र गोली प्रहार गरी फरार भए ।

घटनापछि सर्लाहीलगायत आसपासको जिल्लाको सुरक्षा व्यवस्था कडा पारिएको छ । आवश्यक प्रमाण संकलन र आसपासका सीसीटीभी फुटेजको विश्लेषण गर्ने काम भइरहेको प्रहरीले जनाएको छ ।

यसैबीच, प्रहरी प्रधान कार्यालयअन्तर्गत कार्य विभागले उपत्यकालगायत ७ वटै प्रदेश प्रहरी प्रमुख तथा जिल्ला प्रहरी प्रमुखहरूलाई विशेष निर्देशन जारी गरेको छ । ‘यस प्रकारका लक्षित हत्या वा आपराधिक घटनाहरू अन्य स्थानमा पनि हुन सक्ने सम्भावनालाई मध्यनजर गर्दै सुरक्षा सतर्कता उच्च बनाइयोस् । सरकारी कार्यालयमा कार्यरत प्राविधिक कर्मचारी, इन्जिनियर तथा संवेदनशील निकायमा कार्यरत कर्मचारीहरूको सुरक्षामा विशेष ध्यान दिइयोस्,’ निर्देशनमा भनिएको छ ।

निर्देशन अनुसार सबैतिर प्रहरी गस्ती र चेकजाँच बढाएर शंकास्पद गतिविधिमाथि निगरानी बढाउनुपर्ने छ । भिडभाड हुने स्थान, सरकारी कार्यालय र सार्वजनिक स्थलहरूमा प्रहरी उपस्थिति सुदृढ गर्न निर्देशन दिइएको छ ।

प्रहरी उच्च स्रोतका अनुसार पछिल्ला दिनमा तराई–मधेश क्षेत्रका केही जिल्लामा व्यक्तिगत रिसइबी, ठेक्कापट्टा विवाद तथा अन्य आर्थिक कारणबाट लक्षित आक्रमणका घटना देखिन थालेको छ । यस्ता घटनालाई गम्भीर रूपमा लिइएको प्रहरीले जनाएको छ । ७ वटै प्रदेशका प्रहरी कार्यालयलाई आआफ्नो क्षेत्रभित्र संवेदनशील बिन्दु पहिचान गरी पूर्वतयारीसहित सुरक्षा रणनीति लागू गर्न निर्देशन दिइएको छ ।

मृतक प्रमोदकुमार यादव जिल्ला पूर्वाधार विकास कार्यालय सर्लाहीमा कार्यरत थिए । स्थानीयस्तरमा विकास आयोजनासँग जोडिएका विषयहरू, ठेक्का प्रक्रियासम्बन्धी विवाद वा व्यक्तिगतमध्ये कुन कारणले घटना भएको हो भन्ने बारेमा प्रहरी अनुसन्धान केन्द्रित छ ।

यस प्रकारका घटनाहरू पुनः दोहोरिन नदिन पूर्वसतर्कता अपनाउन तथा शंकास्पद व्यक्तिहरूको पहिचान गरी निगरानी बढाउन र सूचना संकलन प्रणाली सुदृढ गर्न प्रहरी प्रधान कार्यालयको निर्देशन छ । घटनाले सर्लाही मात्र नभएर देशमै सुरक्षा संवेदनशीलता बढाएको प्रहरीको निष्कर्ष छ ।

प्रहरीले कुनै पनि शंकास्पद गतिविधि देखिएमा तत्काल नजिकको प्रहरी कार्यालयमा जानकारी गराउन सर्वसाधारणलाई अपिल गरेको छ । मलंगवा घटनाले फेरि एकपटक तराई क्षेत्रमा लक्षित आक्रमणका घटनाप्रति राज्यको ध्यानाकर्षण गराएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.