अर्जेन्टिनाको विश्वकप टोली घोषणा, मेस्सीले कप्तानी गर्ने

काठमाडौं । फिफा विश्वकप २०२६ का लागि साविक विजेता अर्जेन्टिनाले २६ सदस्यीय अन्तिम टोली घोषणा गरेको छ । टोलीको कप्तानी लियोनल मेस्सीले गर्नेछन् । ३८ वर्षीय मेस्सीले यसपटक आफ्नो छैटौं विश्वकप खेल्दैछन् ।

यससँगै उनी क्रिस्टियानो रोनाल्डोसँगै पुरुष फुटबलमा ६ वटा विश्वकप खेल्ने दुर्लभ कीर्तिमान बनाउने खेलाडी बन्नेछन् ।

टोलीमा एमिलियानो मार्टिनेज, लिसान्द्रो मार्टिनेज, क्रिस्टियन रोमेरो, एलेक्सिस म्याक एलिस्टर, एन्जो फर्नान्डेज र लाउतारो मार्टिनेजजस्ता खेलाडी पनि समावेश छन् ।

विश्वकपमा अर्जेन्टिना समूह ‘जे’ मा रहेको छ । उसले जुन १७ मा अल्जेरिया विरुद्ध पहिलो खेल खेल्नेछ । त्यसपछि अस्ट्रिया र जोर्डनसँग प्रतिस्पर्धा गर्नेछ ।

अर्जेन्टिनाको विश्वकप टोली

गोलकिपर  : हुआन मुसो, जेरोनिमो रुल्ली, एमिलियानो मार्टिनेज

डिफेन्डर : लियोनार्डो बालेर्दी, निकोलस टाग्लियाफिको, गोन्जालो मोन्टियाल, लिसान्द्रो मार्टिनेज, क्रिस्टियन रोमेरो, निकोलस ओटामेन्डी, फाकुन्डो मेडिना, नाहुएल मोलिना

मिडफिल्डर : लियानद्रो पेरेडेस, रोड्रिगो डे पल, भालेन्टिन बार्को, जियोभानी लो सेल्सो, इजेकेल पलासियोस, एलेक्सिस म्याक एलिस्टर, एन्जो फर्नान्डेज

फरवार्ड : जुलियन अल्भारेज, लियोनल मेस्सी, निकोलस गोन्जालेज, थियागो अल्माडा, जुलियानो साइमन, निको पाज, जोसे म्यानुअल लोपेज, लाउतारो मार्टिनेज