विश्वकप छनोट: न्युजिल्यान्डमाथि इजिप्टको ३–१ को पुनरागमन जित

काठमाडौं । फिफा विश्वकप २०२६ को छनोट अन्तर्गत सोमबार भएको खेलमा इजिप्टले न्युजिल्यान्डमाथि ३–१ गोल अन्तरको उत्कृष्ट पुनरागमन जित दर्ता गरेको छ।

क्यानडाको भ्यानकुभरस्थित बीसी प्लेस स्टेडियममा भएको समूह ‘जी’ को खेलमा सुरुवाती अग्रता भने न्युजिल्यान्डले लिएको थियो। खेलको १५ औँ मिनेटमा फिन सरमनले गोल गर्दै न्युजिल्यान्डलाई १–० को अग्रता दिलाएका थिए। पहिलो हाफमा एक गोलले पछि परेको इजिप्टले दोस्रो हाफमा आक्रामक खेल प्रदर्शन गर्दै तीन गोल फर्कायो।

इजिप्टका लागि ५८ औँ मिनेटमा मोस्तफा जिकोले गोल गर्दै खेललाई १–१ को बराबरीमा ल्याए। त्यसको केही बेरमै, खेलको ६७ औँ मिनेटमा स्टार स्ट्राइकर मोहम्मद सलाहले गोल गरेपछि इजिप्टले २–१ को अग्रता बनाउन सफल भयो।

खेलको अन्त्यतिर ८२ औँ मिनेटमा ट्रेजीले तेस्रो गोल गरेपछि न्युजिल्यान्ड खेलमा फर्कने सम्भावना समाप्त भएको थियो। यो जितसँगै इजिप्टले विश्वकप छनोटको यात्रामा महत्त्वपूर्ण अंक जोडेको छ।