कोशी प्रदेशमा पहिलो पटक ‘हिकभिजन एक्स्पो’ हुँदै 

विराटनगर । सुरक्षा प्रविधिको क्षेत्रमा विश्वकै अग्रणी ब्रान्ड हिकभिजनले कोशी प्रदेशमा पहिलो पटक ‘हिकभिजन एक्सपेरियन्स एक्स्पो २०२६’ को आयोजना गर्ने भएको छ ।

आर्टिफिसिएल इन्टेलिजेन्ससहित सुरक्षा प्रणालीको क्षेत्रमा काम गरिरहेको हिकभिजनले मोरङको विराट चोकस्थित नेपालरिका होटेलमा साउन ३१ गते एक्स्पो आयोजना गर्न लागेको हो ।

Advertisement

एक्स्पोमा हिकभिजनका नयाँ उत्पादन र प्रविधिलाई प्रदर्शनीमा राखिने नेपालको आधिकारिक वितरक म्याक्सीमा मल्टी नेशनल ट्रेडिङका प्रमुख मनिकुमार तामाङले जानकारी दिए ।

उनका अनुसार एक्सपोमा घरेलु तथा साना व्यवसायको सुरक्षा प्रणाली, एकीकृत ट्राफिक व्यवस्थापन, प्रोफेसनल अडियो सोलुसन, डिस्प्ले एडभरटाइजिङ तथा एजुकेसन, सोलुसन, अलराम सेक्युरिटी सिस्टम, ताररहित घर सुरक्षा प्रविधि र  नवीनतम उत्पादनका ८ वटा स्टलहरू रहने छन् ।  एक्स्पोमा पछिल्लो समय देखिएका सुरक्षा चुनौतीहरूलाई प्रविधिले कसरी सहज बनाउँछ भन्ने विषयमा विज्ञहरूले जानकारी दिनेछन् ।

कोशी प्रदेशमा पहिलो पटक हुन लागेको एक्स्पोको व्यवस्थापन विराटनगरका लागि आधिकारिक बिक्रेता एल्पनाइन टेक्नोलोजी, प्यारागन आइटी सोलुसन इटहरी, आरएस कम्प्युटर दमक र तेजस्वी कम्प्युटर सपोर्ट बिर्तामोडले गरिरहेका छन् ।

एक्स्पोले व्यावसायिक र घरेलु सुरक्षा प्रणालीलाई थप प्रविधिमैत्री बनाउनका लागि सहयोग गर्ने एल्पनाइन टेक्नोलोजीका सञ्चालक सुरज ढुंगानाले जानकारी दिए ।