बायर्न म्युनिखले जित्यो जर्मन सुपर कपको उपाधि

एजेन्सी । बायर्न म्युनिखले जर्मन सुपर कपको उपाधि जितेको छ । शनिबार राति भएको खेलमा डर्टमण्डलाई २-१ गोलले हराउँदै बायर्नले सिजनको पहिलो उपाधि जितेको हो ।

सिंगल इडुना पार्कमा भएको खेलमा बायर्नलाई जित दिलाउन नाथानिएल ब्राउन र मिचेल ओलिसेले समान एक/एक गोल गरे । बायर्नको लागि फाबियो सिल्भाले एक गोल फर्काए । खेलको २८ औँ मिनेटमा ओलिसेको पासमा ब्राउनले गोल गर्दै बायर्नलाई शुरुवाती अग्रता दिलाएका थिए ।

Advertisement

पहिलो हाफको इन्जुरी समयमा ओलिसेले गोल गर्दै बायर्नको अग्रता दोब्बर बनाए । ७५ औँ मिनेटमा सिल्भाले गोल गर्दै डर्टमण्डलाई खेलमा फर्काउने सङ्केत गरेका थिए ।

९० औँ मिनेटमा डिफेन्डर रामी बेन्सेबैनी रातो कार्ड पाउँदै मैदान बाहिरिएपछि डर्टमण्डले १० खेलाडीमा रहेर खेलको अन्त्य गरेको थियो । बाँकी समयमा दुवै टोलीबाट थप गोल हुन नसक्दा बायर्न २-१ गोलले विजयी भएको हो ।