२०८३ कात्तिक २३, सोमबार १७:४९
विराटनगर । मोरङको सुन्दरहरैँचास्थित सुधार केन्द्रमा उपचाररत एक युवक फरार भएका छन् ।
सुन्दरहरैँचा नगरपालिका–१२ मा रहेको आरम्भ सुधार केन्द्रमा उपचाररत बेलबारी नगरपालिका–११ का २३ वर्षीय सेसेहाङ लिम्बू फरार भएको प्रहरीले जनाएको छ । प्रहरीका अनुसार सोमबार दिउँसो करिब ३ बजेतिर सुधार केन्द्रको कम्पाउन्डबाट कर्मचारीको आँखा छलेर गेट खोली लिम्बू फरार भएका थिए ।
उनी फरार भएको जानकारी प्राप्त हुनासाथ इलाका प्रहरी कार्यालय विराटचोकबाट खटिएको टोलीले खोजतलास सुरु गरेको छ । फरार लिम्बूको वर्ण गहुँगोरो, उचाइ करिब ५ फिट ५ इन्च, मझौला शरीर, छोटो कालो कपाल र अनुहारमा कोठी रहेको प्रहरीले जनाएको छ ।
फरार हुँदा उनले रातो कट्टु र सेतो भेस्ट लगाएका थिए । उनलाई कतै देखेमा नजिकैको प्रहरी कार्यालयमा जानकारी गराउन प्रहरीले सबैमा आग्रह गरेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी