विराटनगरबाट स्रोत नखुलेको नेपाली रूपैयाँसहित भारतीय नागरिक पक्राउ

Share this
733shares
मुलुकी खबर
मुलुकी खबर
clock२०८२ पुस २५, शुक्रबार १३:३८
फाइल फोटो ।

विराटनगर । स्रोत नखुलेको ३ लाख ३ हजारभन्दा बढी नेपाली रूपैयाँसहित विराटनगरबाट १ जना भारतीय नागरिकलाई प्रहरीले शुक्रबार पक्राउ गरेको छ ।

भारतीय नम्बर प्लेटको मोटरसाइकलमा सवार रहेका भारत बिहारको अररियास्थित फारबिसगन्जका ५५ वर्षीय नन्दलाल बाहेती पक्राउ परेका हुन् । अस्थायी प्रहरी पोस्ट मटेरुवाबाट खटिएको असई जागेन्द्र फुयाँल नेतृत्वको टोलीले बाहेतीलाई विराटनगर महानगरपालिका–१७ बाट बिहान ११ः४५ बजेतिर पक्राउ गरेको हो ।

मोरङ प्रहरी प्रवक्ता डीएसपी कोपिला चुँडालका अनुसार जोगवनीबाट बीआर ३८ एए ८३०६ नम्बरको स्कुटरमा विराटनगरतर्फ आउँदै गर्दा बाहेतीलाई नियन्त्रणमा लिइएको हो । नियन्त्रणमा लिएर शरीर खानतलासी गर्दा पाइन्टको भित्री भागमा लुकाइछिपाइ राखिएको अवस्थामा स्रोत नखुलेको नेपाली रूपैयाँ बरामद भएको जानकारी उनले दिइन् ।

चुँडालका अनुसार बाहेतीको साथबाट १ हजार दरको ३ सयवटा, ५ सय दरका ४ वटा र १ सय दरको ११ वटा नोट फेला परेको छ । साथबाट बरामद भएको ३ लाख ३ हजार १ सय रूपैयाँ र स्कुटरसहित बाहेतीलाई नियन्त्रणमा लिएर इलाका प्रहरी कार्यालय रानीमा राखिएको छ ।

साथबाट बरामद भएको रकमको स्रोत स्पष्ट नभएपछि पक्राउ गरिएका बाहेतीमाथि इलाका प्रहरी कार्यालय रानीका इन्स्पेक्टर कविन राई नेतृत्वको टोलीले थप अनुसन्धान गरिरहेको छ । बरामद भएको रकम अवैध हुण्डी कारोबारको भएको हुनसक्ने प्रहरीको अनुमान छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.