मोरङमा ४ हजार ३ सय बढी म्यादी प्रहरी भर्ना गरिँदै (फोटो फिचर)

Share this
734shares
मुलुकी खबर
मुलुकी खबर
clock२०८२ पुस २५, शुक्रबार १५:३५

विराटनगर । आगामी फागुन २१ गतेका लागि घोषणा गरिएको प्रतिनिधिसभा निर्वाचनलाई लक्षित गरेर मोरङमा ४ हजार ३ सयभन्दा बढी म्यादी प्रहरी (निर्वाचन प्रहरी) भर्ना गरिने भएको छ ।

मोरङमा निर्वाचन प्रहरीको माग गरिएको छ । मोरङ प्रहरी प्रमुख एसपी कवित कटवालका अनुसार मोरङको ६ वटा निर्वाचन क्षेत्रका लागि ४ हजार ३ सय ८३ जना म्यादी प्रहरी छनोट हुनेछन् । उनका अनुसार निर्वाचन प्रहरीको माग गरिएसँगै शुक्रबार बिहानबाट जिल्ला प्रहरी कार्यालय मोरङ परिसरमा आवेदन दिनका लागि युवायुवतीको भिड लागेको छ ।

जिल्ला प्रहरी कार्यालय मोरङको निर्वाचन सेलका इन्स्पेक्टर अभिषेककुमार श्रेष्ठ नेतृत्वको टोलीले म्यादीमा भर्ना हुन चाहनेको आवेदन लिइरहेको छ । आवेदन माघ १ गतेसम्मका लागि खुला गरिएको छ ।

म्यादी प्रहरी हुनलाई १८ वर्ष पूरा भइ ५४ वर्ष नघाघेका व्यक्तिले आवेदन दिन सक्ने एसपी कटवालको भनाइ छ । म्यादीमा भर्ना भइसकेपछि उनीहरुलाई सरकारले तोकेबमोजिमको सेवा सुविधा उपलब्ध गराइने छ ।

म्यादी प्रहरीमा भर्ना हुनलाई नेपाली नागरिकसँगै फौजदारी अभियोगमा सजाय नपाएको, राजनीतिक दलको सदस्य नभएको, शारीरिक र मानसिक रुपमा स्वस्थ्य, आतंककारी तथा विध्वंसकारी संगठनमा आबद्धता नभएकाहरुले आवेदन दिन सक्ने जानकारी कटवालले दिए ।

आवेदन दिनका लागि युवायुवतीमा विशेष आकर्षण देखिएको छ । एसपी कटवालका अनुसार आवश्यक मापदण्ड पूरा गरेपछि छनोटमा परेका निर्वाचन प्रहरीलाई मतपेटिका सुरक्षा, भिडभाड व्यवस्थापनलगायतका सुरक्षात्मक विषयमा तालिम दिइनेछ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.