रेशम चौधरीको रिटमा सर्वोच्चद्वारा अन्तरिम आदेश दिन अस्वीकार

Share this
712shares
मुलुकी खबर
मुलुकी खबर
clock२०८२ माघ ११, आइतबार १५:५७

काठमाडौँ । नागरिक उन्मुक्ति पार्टीका संरक्षक रेशमलाल चौधरीको उम्मेदवारी खारेजीविरुद्धको रिटमा सर्वोच्च अदालतले अन्तरिम आदेश दिन अस्वीकार गरेको छ। आइतबार न्यायाधीश बालकृष्ण ढकालको एकल इजलासले चौधरीको रिटमाथि सुनुवाइ गर्दै अन्तरिम आदेश जारी नगर्ने निर्णय गरेको हो।

अदालतले यस विषयमा निर्वाचन आयोगसँग लिखित जवाफ माग गर्ने आदेश दिएको छ। साथै, अन्तरिम आदेश जारी गर्ने वा नगर्ने भन्नेबारे थप छलफलका लागि दुवै पक्षलाई उपस्थित हुन बोलाइएको छ। यस आदेशसँगै तत्कालका लागि चौधरीको उम्मेदवारी कायम हुने सम्भावना टरेको छ।

कैलाली क्षेत्र नम्बर १ बाट प्रतिनिधिसभा सदस्यका लागि उम्मेदवारी दिएका चौधरीको मनोनयनलाई निर्वाचन आयोगले गत बिहीबार खारेज गरिदिएको थियो। टीकापुर हत्याकाण्डमा तीनै तहको अदालतबाट दोषी ठहर भई जन्मकैदको सजाय पाएका व्यक्ति निर्वाचनमा सहभागी हुन नपाउने कानुनी प्रावधानलाई आधार मानेर आयोगले यो निर्णय लिएको हो।

यद्यपि, चौधरीले आफूले राष्ट्रपतिबाट आममाफी पाइसकेकाले उम्मेदवार हुन पाउनुपर्ने दाबी गर्दै सर्वोच्चमा रिट दायर गरेका थिए। आयोगले भने राष्ट्रपतिबाट माफी पाए पनि अदालतको फैसला र कैदको अभिलेख कायम रहने भन्दै उनलाई अयोग्य ठहर गरेको थियो।

आगामी फागुन २१ गते हुने प्रतिनिधिसभा सदस्य निर्वाचनका लागि चौधरीले कैलाली–१ बाट उत्साहका साथ मनोनयन दर्ता गराएका थिए। सर्वोच्चको पछिल्लो आदेशले उनको चुनावी यात्रा थप अन्योलमा परेको छ। अब दुवै पक्षबीच हुने छलफल र सर्वोच्चको अर्को आदेशले मात्र उनी चुनाव लड्न पाउने वा नपाउने भन्ने अन्तिम टुङ्गो लाग्नेछ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.