
विराटनगर । सुनसरीबाट नक्कली नोटसहित प्रहरीले बुधबार राति १ जनालाई पक्राउ गरेको छ ।
इनरुवा नगरपालिका–१० का २५ वर्षीय बहिस मियाँ राति ८ः१० बजेतिर पक्राउ परेका हुन् । सुनसरी प्रहरीका प्रवक्ता डीएसपी चन्द्रबहादुर खड्काका अनुसार मियाँले हरिनगरा गाउँपालिका–१ स्थित किरानमा पसलमा सामान खरिद गर्ने क्रममा १ हजार दरको नक्कली नोट दिएका थिए ।
त्यसको जानकारी पाएलगत्तै पुगेको प्रहरीले टोलीलाई मियाँलाई चेकजाँच गर्दा साथबाट १ हजार दरका २८ वटा नक्कली नोट बरामद भएको जानकारी खड्काले दिए । उनलाई जिल्ला प्रहरी कार्यालय सुनसरीको हिरासतमा राखेर थप अनुसन्धान अघि बढाइएको छ ।

























