मोरङको रंगेलीमा महिलाको मृत्यु, श्रीमान प्रहरीको नियन्त्रणमा

Share this
693shares
मुलुकी खबर
मुलुकी खबर
clock२०८२ माघ २५, आइतबार १७:२५

विराटनगर । मोरङको रंगेलीमा आइतबार १ जना महिलाको मृत्यु भएको घटनामा श्रीमानलाई प्रहरीले नियन्त्रणमा लिएको छ ।

रंगेली नगरपालिका–२ जलियाकी ३५ वर्षीया मोरङमई मुर्मू आइतबार दिउँसो आफ्नो घरभित्रको कोठामा मृत फेला परेकी थिइन् । स्थानीयले मोरङमई मृत फेला पर्नुअघि घरमा श्रीमान–श्रीमतीको झगडा परेको जानकारी प्रहरीलाई दिएका थिए ।

स्थानीयले दिएको जानकारीका आधारमा प्रहरीले मोरङमईका श्रीमान साईना मुर्मूलाई नियन्त्रणमा लिएर अनुसन्धानको दायरामा ल्याएको हो । यद्यपि, प्रारम्भिक अनुसन्धानबाट घटना शंकास्पद नदेखिएको मोरङ प्रहरीका प्रवक्ता डीएसपी हरिनन्दन चौधरीले बताए ।

‘घरभित्र महिला मृत फेला परेको जानकारी पाउनसाथ इलाका प्रहरी कार्यालय रंगेलीको टोली खटिएर घटनाको अनुसन्धान सुरु गरेको छ । प्रारम्भिक अनुसन्धानबाट घटना शंकास्पद देखिएको छैन । तर, स्थानीयले श्रीमान–श्रीमतीको झगडा परेको जानकारी दिएपछि श्रीमानलाई नियन्त्रणमा लिएर अनुसन्धान सुरु गरिएको छ,’ उनले भने । इलाका प्रहरी कार्यालय रंगेलीका इन्स्पेक्टर नरेन्द्रकुमार बोगटी नेतृत्वको टोलीले आवश्यक कानुनी प्रक्रिया पूरा गरी घटनास्थलबाट शवलाई पोस्टमार्टमका लागि विराटनगरको कोशी अस्पताल पठाएको छ ।

प्रहरीका अनुसार महिलाको नाडीमा सामान्य चोटजस्तो देखिएको छ । तर, घटनाको वास्तविकता कारण पोस्टमार्टम रिपोर्ट प्राप्त भएर थप अनुसन्धानपछि पत्ता लाग्ने डीएसपी चौधरीले बताए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.