
सुनसरी । सुनसरीको इनरुवा नगरपालिका–२ बाट लागुऔषध खैरो हेरोइन (ब्राउन सुगर)सहित बिहीबार साँझ १ जना पक्राउ परेका छन् ।
अस्थायी प्रहरी पोस्ट बसपार्क र जिल्ला प्रहरी कार्यालय सुनसरीबाट खटिएको संयुक्त टोलीले इटहरी उपमहानगरपालिका–१८ का २४ वर्षीय प्रमेश्वर चौधरीलाई साँझ ६ः२० बजेतिर पक्राउ गरेको हो । शंकास्पद अवस्थामा हिँडिरहेका चौधरीलाई नियन्त्रणमा लिएर शरीर खानतलासी गर्दा साथबाट १ ग्राम ३ सय मिलिग्राम ब्राउन सुगर फेला परेको थियो ।
उनलाई ब्राउन सुगरसहित पक्राउ गरेर जिल्ला प्रहरी कार्यालय सुनसरीको हिरासतमा राखिएको छ । उनीविरुद्ध लागुऔषध ऐनअन्तर्गतको मुद्दा चलाउने प्रहरीको तयारी छ ।

























