
विराटनगर । झापाबाट प्रहरीले शुक्रबार दिउँसो लागुऔषध ब्राउन सुगर (खैरो हेरोइन)सहित २ जनालाई पक्राउ गरेको छ । पक्राउ परेकाहरु स्कुटरमा सवार रहेका थिए ।
पक्राउ पर्नेमा कमल गाउँपालिका–५ का ४० वर्षीय सूर्यबहादुर विक र २२ वर्षीय संजोक राई रहेका छन् । उनीहरुलाई प्रहरीले गौरीगन्ज गाउँपालिका–२ आँपगाछीबाट पक्राउ गरेको हो ।
आँपगाछीबाट उत्तर बाहुन टोलतर्फ जाँदै गरेको मे १० प ८४३२ नम्बरको स्कुटरलाई रोकेर प्रहरीले चेकजाँच गरेको थियो । त्यस क्रममा स्कुटरको पछाडि सवार विकको साथबाट ४२ ग्राम ८ सय १० मिलिग्राम ब्राउन सुगर बरामद भएको छ ।
त्यसलगत्तै प्रहरीले विक र स्कुटर चालक राईलाई पक्राउ गरेको हो । पक्राउ परेका दुवै जनलाई इलाका प्रहरी कार्यालय गौरीगन्जको हिरासतमा राखिएको छ । उनीहरुविरुद्ध लागुऔषध ऐनअन्तर्गतको मुद्दा चलाउने प्रहरीको तयारी ।

























