
काठमाडौं। प्रहरी प्रभाग बल्खुमा कार्यरत एकजना प्रहरी जवानलाई ठगीको आरोपमा प्रहरीले नियन्त्रणमा लिएको छ। जिल्ला प्रहरी परिसर काठमाडौंको टोलीले जवान कैलेश गिरीलाई सोमबार पक्राउ गरेको हो।
जिल्ला प्रहरी परिसर काठमाडौंका एसपी पवन भट्टराईले गिरीमाथि ठगीमा संलग्न रहेको आरोप लागेको जानकारी दिए। उनका अनुसार अदालतबाट पक्राउ पुर्जी जारी भएपछि गिरीलाई पक्राउ गरिएको हो।
पक्राउ परेका प्रहरी जवानमाथि अहिले हिरासतमा राखेर थप अनुसन्धान भइरहेको प्रहरीले बताएको छ।

























