२०८३ कात्तिक २३, सोमबार १५:०२
विराटनगर । मोरङको बेलबारीबाट लागुऔषध ब्राउन सुगरसहित प्रहरीले एक जनालाई पक्राउ गरेको छ ।
पक्राउ पर्नेमा बेलबारी नगरपालिका–२ लालभित्तीस्थित कविर टोलका ३० वर्षीय भोजबहादुर राई रहेको मोरङ प्रहरीले जनाएको छ ।प्रहरीका अनुसार आइतबार राति ९ः५० बजेतिर ५० राईको घर कोठामा लागुऔषध लुकाइछिपाई राखिएको भन्ने गोप्य सूचना प्राप्त भएपछि इलाका प्रहरी कार्यालय बेलबारीबाट प्रहरी टोली खटिएको थियो ।
प्रहरीले घरमा खानतलासी गर्दा प्लास्टिकबाहेक १८ ग्राम २४० मिलिग्राम ब्राउन सुगर र नगद ५ हजार रुपैयाँ बरामद गरेको जनाएको छ। बरामद ब्राउन सुगर र नगदसहित राईलाई नियन्त्रणमा लिएर इलाका प्रहरी कार्यालय बेलबारीमा राखिएको छ। घटनाबारे थप अनुसन्धान भइरहेको प्रहरीले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी