
काठमाडौं । काठमाडौंको बुद्धनगरमा आइतबार राति कफी सप र पुल हाउस सञ्चालकको हत्या भएको छ ।
टाइम पास कफी एन्ड पुल हाउसका सञ्चालक ४० वर्षीय रुपक बान्तवाको हत्या भएको काठमाडौं प्रहरीका प्रवक्ता एसपी नवराज अधिकारीले जानकारी दिए। उनका अनुसार प्रहरी टोलीले घटनास्थलमा पुगेर घटनाको अनुसन्धान सुरु गरेको छ ।
‘हत्या किन र के कारणले भयो भन्ने खुलेको छैन,’ अधिकारीले भने, ‘अनुसन्धान हुँदैछ ।’ अनुसन्धानपछि मात्रै वास्तविकता पत्ता लाग्ने उनको भनाइ छ । एसपी अधिकारीले हत्या भएको अवस्थामा बान्तवाको शव फेला परेपछि विभिन्न कोणबाट घटनाको अनुसन्धान भइरहेको जाानकारी दिए । घटनाको थप विवरण आउन बाँकी छ ।

























