
विराटनगर । मोरङको सुन्दरहरैँचा नगरपालिका– ३ मा करेन्ट लागेर एक जनाको मृत्यु भएको छ ।
सोमबार बिहान करिब साढे ५ बजे भैँसीको गोठ सफा गर्ने क्रममा करेन्ट लागेर सुन्दरहरैँचा – ३ लोचनी सोमबारेका ३९ वर्षीय डिल्लीबहादुर बिष्टको मृत्यु भएको हो ।
मोटरले भैँसी गोठ सफा गर्ने क्रममा उनलाई करेन्ट लागेको थियो ।
घटनापछि आफन्तले उपचारका लागि विराट टिचिङ अस्पतालमा भर्ना गरेका थिए । अस्पताल पुर्याएलगतै अस्पतालले उनलाई मृत घोषित गरेको थियो ।

























